ފަރުމާ ފެސްޓިވަލްގެ ޕޯސްޓަރު. -- ފޮޓޯ: މޯލްޑިވްސް އާޓިސްޓް ކޮމިއުނިޓީ (އެމްއޭސީ)
ރާއްޖޭގައި މުޅިން އަލަށް ބައިނަލްއަގުވާމީ އާޓް ފެސްޓިވަލެއް ބާއްވަނީ
ސީއެންއެމް ނިއުސް ޓީމް
23 އޭޕްރީލް 2023 - 11:56:08
ޔޫތް މިނިސްޓްރީއާއި މޯލްޑިވްސް އާޓިސްޓް ކޮމިއުނިޓީ(އެމްއޭސީ) އާއި ގުޅިގެން "ފަރުމާ ފެސްޓިވަލް"ގެ ނަމުގައި ބައިނަލްއަގުވާމީ އާޓް ފެސްޓިވަލެއް ބާއްވަން ނިންމައިފި އެވެ.
Advertisement
އާޓް ފެސްޓިވަލް ބޭއްވުމަށް ހަމަޖެހިފައިވާކަން ހާމަކުރައްވާފައިވަނީ ޔޫތް މިނިސްޓަރު އަހުމަދު މަހުލޫފް ކުރެއްވި ޓްވީޓެއްގަ އެވެ.
ފަރުމާ އާޓް ފެސްޓިވަލް ކުރިއަށް ގެންދިއުމަށް ހަމަޖެހިފައިވަނީ އަންނަ މަހުގެ އަށަކުން ފެށިގެން 13 ވަނަ ދުވަހުގެ ނިޔަލަށެވެ. މި ފެސްޓިވަލްގައި ޖުމުލަ ހަތް ގައުމަކުން އާޓިސްޓުން ބައިވެރިވުމަށް ވަނީ ހަމަޖެހިފަ އެވެ.
ފަރުމާ އާޓް ފެސްޓިވަލުގައި ހަތް ކެޓެގަރީއެއްގެ ފަންނުވެރިން އެމީހުންގެ ހުނަރުތައް ދައްކާލާނެ އެވެ.
ފަރުމާ ފެސްޓިވަލްގައި ހިމެނޭ ކެޓަގަރީތައް
- ކުރެހުން
- ޑިޖިޓަލް އާޓް އަދި އެނިމޭޝަން
- އަތްތެރިކަމުގެ މަސައްކަތްތައް
- ފޮޓޯ އަދި ވީޑިއޯގްރަފީ
- ނެށުން އަދި މިއުޒިކް
- ކެއްކުން
- ހާއްސަ ހުނަރުތައް
ފަރުމާ ފެސްޓިވަލަކީ މި ކެޓަގަރީތަކުގެ އާޓިސްޓުންނަށް އެމީހުންގެ ހުނަރުތައް ދައްކާލުމަށް ހުޅުވިގެންދާ ދޮރެއް ކަމަށް އެމްއޭސީން ބުނެ އެވެ.
ރާއްޖޭގައި މިހާރު އަންނަނީ އާޓިސްޓުންގެ ހުނަރުތައް ކުރިއަރުވާ އެމީހުންގެ ހުނަރު ދައްކާލުމަށް ތަފާތު ހަރަކާތްތަކެއް ހިންގަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
