ރައްޔިތުންގެ މަޖިލީހުގެ މިއަދުގެ ޖަލްސާގައި އިންޑަސްޓްރިއަލް ރިލޭޝަންގެ ބިލް މަޖިލީހަށް ހުށަހަޅަން ދިން ފުރުސަތުތުގައި، އެ ބިލް ހުށަހެޅުމުގެ ކުރިން ޝަރީފް ވަނީ ކުނި މެނޭޖް ކުރުމާ ބެހޭ ގާނޫނަށް ހުށަހަޅާފައިވާ އިސްލާހުގެ މަސައްކަތް ނިމެންދެން މަޖިލިސް ޗުއްޓީއަށް ނުގޮސް މަޑުކުރުމަށް ހުށަހަޅާ ކަމަށެވެ.
މިހެން ވިދާޅުވުމަށްފަހު ޝަރީފް ވަނީ އިންޑަސްޓްރިއަލް ރިލޭޝަންގެ ބިލް މަޖިލީހަށް ހުށަހަޅުއްވަން ފައްޓަވާފަ އެވެ. ނަމަވެސް ރައީސް ނަޝީދު ވަނީ ޝަރީފްގެ ވާހަކަފުޅު މެދު ކަނޑާލުމަށްފަހު އެއީ މެންބަރަކަށް ހުށަހެޅޭނެ ކަމެއް ނޫން ކަމަށް ވިދާޅުވެފަ އެވެ.
ރައީސް ނަޝީދު ވިދާޅުވީ އެއީ ޝަރީފަށް ހުށަހެޅެން ނެތް ކަމެއް ކަމަށާއި އެކަން ސާފުކޮށްދެއްވީ ކަމަށެވެ. އަދި އިރާދަކުރެއްވިއްޔާ މާދަމާގެ ޖަލްސާއަށްފަހު މަޖިލިސް ޗުއްޓީއަށް ދާނެ ކަމަށްވެސް ވަނީ ވިދާޅުވެފަ އެވެ.
ޝަރީފްގެ އިތުރުން ސަރުކާރަށް ތާއިދު ކުރާ ބައެއް އެހެން މެންބަރުންވެސް މީގެ ކުރިން ވަނީ ކުނި މެނޭޖް ކުރުމާ ބެހޭ ގާނޫނަށް ހުށަހެޅިފައިވާ އިސްލާހުގެ މަސައްކަތް ނިމެންދެން މަޖިލިސް ކުރިއަށް ގެންދެވުމަށް ގޮވާލާފަ އެވެ.
