ގާނޫނުގައި މިހާރު އޮންނަ ގޮތުން، ނޫސްވެރިން މައުލޫމާތު ހޯދާ މަސްދަރު ހާމަކުރަން އެނގުމުގެ ބާރު ޝަރުއީ ކޯޓުތަކަށް ލިބެއެވެ. އެމާއްދާއަށް ބަދަލުގެނެސް ޖުޑިޝަރީ ކޮމެޓީން ވަނީ މަސްދަރު ހާމަކުރަން އެދެވޭނީ ހަމައެކަނި ވަކި ހާލަޔްތަކެއްގައި ޕްރޮސެކިއުޓާ ޖެނެރަލްއަށްކަމަށް ބަޔާންކޮށްފައެވެ.
ގައުމީ ސަލާމަތާ ގުޅުހުންރި ކަންކަން އިތުރަށް ތަފްސީލްކޮށް، އެ ބިލުގައި ބުނެފައިވަނީ އެފަދަ ހާލަތެއްގައިވެސް ޕީޖީއަށް މަސްދަރު ހޯދުމުގެ އަމުރަކަށް ފުރަތަމަ މަރުހަލާގައިވެސް އެދެވޭނީ ހައިކޯޓްގައި ކަމަށެވެ.
ކޮމިޓީން ފޮނުވި ރިޕޯޓް ފާސްކުރަން މިއަދުގެ މަޖިލީހުގެ ޖަލްސާގައި ނެގި ވޯޓުގައި އެ ރިޕޯޓް ފާސް ކުރަން ފެންނަ ކަމަށް ވޯޓު ދެއްވީ އެންމެ 12 މެންބަރުންނެވެ. ފާސް ކުރަން ނުފެންނަ ކަމަށް 31 މެންބަރަކު ވަނީ ވޯޓު ދެއްވާފަ އެވެ.
މަޖިލީހުގެ ތަޅުމުން ރިޕޯޓް ފާސް ނުވުމުން އެ ރިޕޯޓް އަނބުރާ ކޮމިޓީއަށް ފޮނުވާލުމަށް 31 މެންބަރުން ވަނީ ވޯޓު ދެއްވާފަ އެވެ. ނުފެންނަ ކަމަށް ވޯޓު ދެއްވީ ނުވަ މެންބަރުންނެވެ.
އެމްޖޭއޭއިން ނެރުނު ނޫސްބަޔާނުގައި ބުނީ ނޫސްވެރިންގެ ހުރި ކަންބޮޑުވުންތަކަށް ރިއާޔަތް ކުރުމަށް ސަރުކާރުގެ ހެޔޮނިޔަތް އޮތް ކަމާމެދު ސުވާލު އުފެދޭކަމަށެވެ. މާދަމާގެ ޖަލްސާއަށް ފަހު މަޖިލިސް 15 ދުވަހުގެ ޗުއްޓީއަށް ދާއިރު ކޮމިޓީ މަރުހަލާ ނިމިގެން އަނެއްކާ ވެސް ބިލު ތަޅުމަށް އަންނާނެ ދުވަހެއް ނޭނގޭ ކަމަށާއި އެހެންކަމުން ނޫސްވެރިން އަނެއްކާތިބީ ވެސް ބިރުވެރި ކަމެއްގެ ތެރޭގައިކަމަށް އެމްޖޭއޭއިން ބުނެއެވެ.
