ވައިރަލް ވެފައިވާ ވީޑިއޯތަކުން ފެންނަގޮތުން ދުބާއީގައި އޮތް އިވެއްޓެއް ނިންމާލުމަށްފަހު އޭނާއާއެކު ސެލްފީނަގަން ބޭނުންވާ ފޭނުންތައް ވަނީ އޭނާ ވަށާލާފައެވެ. އަދި ބައެއް މީހުން މަލައިކާ ގައިގައި އަތްލާ ކޮށްޕާ ހަދާމަންޒަރުވެސް ފެނެއެވެ. އަދި އޭނާ ނުކޮށްޕުމަށް އެދޭ އަޑު އެވީޑިއޯއިން އިވެއެވެ.
"އެފްޓީވީއާ" ގުޅިގެން "ފެޝަންޒް ބައި ޑޭނޫބް" ގެ މުނާސަބަތުގައި ފިލްމްފެއާ މީޑިއަލް އީސްޓްގެ އެންމެ ފަހުގެ އަދަދު ލޯންޗު ކުރުމަށް މަލައިކާ ވަނީ މި އިވެންޓް ޝަރަފުވެރިކޮށްދީފަ އެވެ.
މި ހާދިސާއަށްފަހު މަލައިކާ ވަނީ ފަހުން ނޫސްވެރިންގެ މައުލޫމާތު ދީފައެވެ.
މަލައިލާ ބުނީ އިވެންޓުގެ ސެކިއުރިޓީން އެނާ ސަލަމާތްކުރަން އުޅުނު ނަމަވެސް މީހުންގެ އަމަލުތައް ހުރިގޮތުން އަނިޔާވެސް ވިކަމަށެވެ. އަދި ބައެއް މީހުން ފޮޓޯނަގަން އައީ ރަނގަޅު ނިޔަތެއްގައި ނޫންކަމަށް ވެސް އޭނާ ބުންޏެވެ.
މަލައިކާ އެންމެ ފަހުން ފެނިފައިވަނީ އޭނާގެ އޯޓީޓީ ރިއަލިޓީ ޝޯ "މޫވިންގް އިން ވިތު މަލައިކާ" އާއި ގުރޫ ރަންދަވާގެ އާ މިއުޒިކް ވީޑިއޯ "ޓެރާ ކީ ހަޔާލް" އިންނެވެ.
މަލައިކާ މީގެ ކުރިން އަރުބާޒް ހާންއާ ކައިވެނި ކުރިއިރު، އެމީހުންގެ ވަރިވެފައިވަނީ 2017 ވަނަ އަހަރު އެވެ. އެކްޓަރު އަރްޖުން ކަޕޫރާ ގުޅުން އޮންނަކަން ރަސްމީކޮށް 2019 ވަނަ އަހަރު އިންޓަވިއުތަކާއި ސޯޝަލް މީޑިއާގައި އިއުލާނުކުރިއެވެ.
