ދަތުރުވެރިން ގެ މާރުކޭޓުގެ ބޭރުން ޕާކިން ޒޯންގައި ކުޑަ ޖަހައިގެން އެއް ބަޔަކު ދޮން އަނބު ވިއްކަމުން ދާއިރު މާރުކޭޓުގެ އެތެރެ ގޮޅިތަކުގައި ވެސް ގިނަ އަދަދަކަށް ދޮންއަނބު ހުރިކަން ފާހަގަ ކުރެވެއެވެ. އަދި ހަމަ އެހެން ލޯކަލް މާރުކޭޓްގައި އާއި އަމީނީ މަގު ބާޒާރުގައި ވެސް އަނބު ވަރަށް ތިޔާތްގެވެ.
ބާޒާރު ގައި ހުރި އަނބު ފޮށިގަނޑެއް
ދަތުރުވެރިން މައުލޫމާތު ދޭގޮތުގައި މިދުވަސްވަރު ގިނަ އަދަދަކަށް އަނބު ލިބެން މިހުރީ ރާއްޖޭގެ ހުރިހާ ދިމާލަކަށް ވެސް އަނބު މޫސުމް އައިސްފައި ވުމާއި ގުޅިގެންނެވެ.
އަނބުގެ ވިޔަފާރިއަށް މަޝްހޫރު ފޯއްމުލަކާއި، ލ އަތޮޅާއި އައްޑޫ އަދި ބައެއް އުތުރުގެ ރަށްރަށުންވެސް ބާޒާރަށް ގިނަ އަދަދަކަށް އަނބު ގެނެސްފައިވާ ކަން ފާހަގަ ކޮށްލެވެއެވެ.
އަނބު ބައެއް 100 ރުފިޔާ އަށް ބޭރުން ލިބެންހުރި އިރު މާރުކޭޓުގެ އެތެރެ ގޮޅިތަކުގައި 50 ރުފިޔާއަށް ކިލޯއެއްގެ މަގުން އަނބު ލިބެން އެބަހުއްޓެވެ.
އަނބު ބައެއް - ދަތުރުވެރިން ގެ މާރުކޭޓު
ދަތުރުވެރިންގެ މާރުކޭޓުގެ އެތެރެ ގޮޅިތަކުން މީހަކާ ސުވާލުކޮއްލުމުން ބުނީ އަނބު ތައް ފީވެ ހަލާކުވުމުން ދާތީ އަގު ހެޔޮ ކުރަމުން ދާކަމުގައެވެ. އެހެން ކަމުން 10 ރުފިޔާއަށް 3އަނބު ، 4 އަނބު ވެސް ވިއްކަމުން ދާ ކަމުގައި އެފަރާތުން ބުންޏެވެ.
މާރުކޭޓުގެ އެތެރެއާއި ބޭރުގައި ތިބި މީހުން ބުނާ ގޮތުން ކުރިއަށް އޮތް ހަފްތާގައި އަނބު ބައެއްގެ އަގު 50 ރުފިޔާއަށް ތިރިވާނެ އެވެ.
ގޮޅިއެއް ގައި ހުރި އަނބު ފޮށްޓެއް
ލޯކަލް މާރުކޭޓްގެ ބައެއް ގޮޅިތަކުގައި މިހާރު ވެސް އަނބު ބައެއް 50 ރުފިޔާއަށް ލިބެން އެބަހުއްޓެވެ. ލޯކަލް މާރުކޭޓުގެ މީހުން ބުނާ ގޮތުގައި ހޫނުގެ ސަބަބުން އަނބު ތައް ވަޅޯދޮން ވުމުގެ ސަބަބުން ވަރަށް ބޮޑަށް ދަނީ ހަލާކު ވަމުންނެވެ.
ގިނައަދަދެއްގެ ދޮން އަނބު ބާޒާރުން ފެނުނު ނަމަވެސް، ހުތް އަނބު ލިބުން ތަންކޮޅެއް ދަތިކަން ފާހަގަ ކުރެވެއެވެ.
