އެސްއޯއީ ކޮމިޓީގެ ބައްދަލުވުމެއްގެ ތެރެއިން. -- ފޮޓޯ: ރައްޔިތުންގެ މަޖިލިސް
ޕީސީބީއަށް ޝިރުވީން އައްޔަން ކޮށް ރުހުން ހޯދަން މަޖިލީހަށް
އަރުޝަމް އަބްދުއްރަހީމް
27 އޭޕްރީލް 2023 - 15:01:57
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އަށް އައްޔަން ކުރައްވާފައިވާ މ. ލޭންޑްއޮފްގާޑަން، ފާތިމަތު ޝިރުވީނަށް ރުހުން ދިނުމުގެ މައްސަލަ ދިރާސާ ކުރުމަށް މަޖިލީހުގެ ސްޓޭޓް އޯންޑް އެންޓަޕްރައިޒަސް ކޮމިޓީއަށް ފޮނުވައިފި އެވެ.
Advertisement
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު، ޕީސީބީއަށް ޝިރުވީން އައްޔަން ކުރައްވާފައިވަނީ އޭޕްރީލް 24، 2023 ގަ އެވެ.
ޝިރުވީންއަށް ރުހުން ދިނުމާއިމެދު ގޮތެއް ނިންމުމަށް އެސްއޯއީ ކޮމިޓީއަށް ފޮނުވީ މިއަދު ކުރިއަށް ގެންދިޔަ ރައްޔިތުންގެ މަޖިލީހުގެ މިއަހަރުގެ ފުރަތަމަ ދައުރުގެ ފަހު ޖަލްސާގަ އެވެ.
ޕީސީބީއަށް އައްޔަން ކުރެއްވުމުގެ ކުރިން ޝިރުވީން މަސައްކަތް ކުރައްވަމުން ގެންދެވީ ދިވެހި ރާއްޖޭގެ އެޓާނީ ޖެނެރަލް އޮފީހުގެ ސްޓޭޓް ކައުންސިލްގެ ގޮތުގަ އެވެ. މީގެ އިތުރުން މިވަގުތުވެސް ޝިރުވީން ހުންނެވީ ފެމެލީ ލީގަލް ކްލިނިކްގެ އެގްޒެކެޓިވް ކޮމިޓީ މެންބަރެއްގެ ގޮތުގަ އެވެ.
އަލްއުސްތާޒާ ފާތިމަތު ޝިރުވީން އަކީ އިނގިރޭސިވިލާތުގެ ކެމްބްރިޖް ޔުނިވާސިޓީން މާސްޓާސް އޮފް ލޯ ހާސިލްކުރައްވައިގެން ހުންނެވި ބޭކަނބަލެކެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
