އެންމެ ފަހުގެ ޗެމްޕިއަން ބަޔާން މިޔުނިކް އަލުން އެއްވަނައަށް އެރީ އާދިއްތަ ދުވަހުގެ ރޭ އަމިއްލަ ދަނޑުގައި ހާތާ ބާލިން ބަލިކޮށްގެނެވެ. މި މެޗުން ބަޔާން މޮޅުވީ ދެ ލަނޑު ސުން ލަނޑުންނެވެ.

މިމެޗްގެ ފުރަތަމަ ލަނޑު މެޗްގެ 69 ވަނަ މިނެޓްގައި ޖަހައި، ބަޔާންއަށް ލީޑު ނަގާދިނީ ސާޖް ގެނާބްރީއެވެ. އަދި އޭގެ 10 މިނެޓް ފަހުން ބަޔާންގެ ދެވަނަ ލަނޑު ޖަހާދިނީ ކިންގްސްލޭ ކޯމަންއެވެ.

ހާތާ ބާލިން އަތުން ހޯދި ތިން ޕޮއިންޓާއެކު ބަޔާން އަލުން އެއްވަނައަށް އެރީ 30 މެޗުން 62 ޕޮއިންޓާއެކުއެވެ. ދެވަނައިގައި ޑޯޓްމުންޑް އޮތީ 61 ޕޮއިންޓާއެކުއެވެ.