މިދިޔަ ވޯލްޑްކަޕުގައި އާދަޔާ ހިލާފު މޮޅުކުޅުމެއް ދެއްކި، މޮރޮކޯގެ ޑިފެންޑަރު ހޯދުމަށް މެންޗެސްޓަ ޔުނައިޓެޑުން 60 މިލިއަން ޑޮލަރު ހުށަހަޅަން ތައްޔާރުވެފައިވާ ކަމަށް ރިޕޯޓްތައް ބުނެއެވެ. ޔުނައިޓެޑުގެ މުހިއްމު ޑިފެންޑަރުންތަކަކަށް އަނިޔާގެ މިހާރުވެސް އަންނަނީ ފަރުވާ ހޯދަމުންނެވެ. ފްރާންސްގެ ރަފެރަލް ވަރާން އަދި އާޖެންޓީނާގެ މާޓިނޭޒަށް އަނިޔާވެ ސީޒަންވަނީ ނިމިފައެވެ.
ޔުނައިޓެޑުން ހަކީމީއަށް ޝައުގުވެރިވާކަމުގެ ރިޕޯޓްތައް އާއްމު ވެފައިވާއިރު ޕީއެސްޖީގެ ކޮންޓްރެކްޓް ހަކީމީގެ ހަމަވާނީ 2026 ވަނަ އަހަރުއެވެ. އެހެންނަމަވެސް ޕީއެސްޖީގެ މުސާރައަށް ކުރާ ހޭދަތައް ކުޑަކުރުމަށް ބައެއް ކުޅުންތެރިން ވިއްކާލަން އެ ކްލަބުން މަޝްވަރާ ކުރަމުން އަންނައިރު ހަކީމީއަކީ ވިއްކާލާނެ ކުޅުންތެރިއެއް ކަމަށްވަނީ ބެލެވިފައެވެ.
ހަކީމީވަނީ ޕީއެސްޖީއަށް 57 މެޗު ކުޅެފައެވެ. ޑިފެންޑަރަކަށް ކުޅެމުން ހަކީމީ އަށް ލަނޑު ޖަހާފައިވެއެވެ. ހަކީމީ ކުރިންވަނީ ރިއަލް މެޑްރިޑަށާ އިންޓަމިލާނަށްވެސް ކުޅެފައެވެ. އަދި ލޯން އެއްބަސްވުމެއްގެ ދަށުން ޖަރުމަނުގެ ބޮރޫޝިއާ ޑޯޓްމަންޑަށްވެސް ހަކީމީ ކުޅުނެވެ. މޮރޮކޯގެ ގައުމީ ޓީމަށް 62 މެޗު ހަކީމީ ކުޅެފައިވެއެވެ.
