މަތިވެރި ދާއިރާގެ މެންބަރު ހަސަން ޒަރީރު
ޒަރީރަށް ދިން ހަމަލާ އެމްޑީޕީން ކުށްވެރިކޮށްފި
އަރުޝަމް އަބްދުއްރަހީމް
02 މޭ 2023 - 13:15:44
ރައްޔިތުންގެ މަޖިލީހުގެ މަތިވެރި ދާއިރާގެ މެންބަރު ހަސަން ޒަރީރަށް ދިން ހަމަލާ އެމްޑީޕީން ކުށްވެރިކޮށްފި އެވެ.
Advertisement
ޒަރީރުއަށް ދިން ހަމަލާއާއި ގުޅިގެން އެމްޑީޕީން ނެރުނު ބަޔާނެއްގައި ބުނެފައި ވަނީ އޭނާއަށް ހަމަލާދީ ޒަހަމްކޮށްލި މީހުން އިންސާފުގެ ކުރިމައްޗަށް ހާޒިރުކުރުމަށް ގޮވާލާ ކަމަށެވެ.
ޒަރީރުއަށް ހަމަލާ ދީފައިވަނީ ހަބީބީ ކެފޭ އެންޑް ބިސްޓްރޯ ތެރޭގައި އިންނަވަނިކޮށެވެ.
"މަތިވެރި ދާއިރާގެ މެމްބަރު ހަސަން ޒަރީރުއަށް ދިން މި ހަމަލާ ސީރިއަސް މައްސަލައެއްގެ ގޮތުގައި ދިވެހި ފުލުހުންގެ ހިދުމަތުން ތަހުގީގުކޮށް މި ނުރައްކާތެރި ކުށްކުރި މީހުން އިންސާފުގެ ކުރިމައްޗަށް ގެނައުމަށް ދިވެހި ރައްޔިތުންގެ ޑިމޮކްރެޓިކް ޕާޓީން ގޮވާލަމެވެ." - އެމްޑީޕީ
ޒަރީރުއަށް ހަމަލާދިން މައްސަލަ ފުލުހުންނަށް ރިޕޯޓުކޮށްފައިވަނީ އިއްޔެ ފަތިހު 05:08 ހާއިރު އެވެ. އޭނާއަށް އޭޑީކޭ ހޮސްޕިޓަލުގައި ފަރުވާދެނުން ގެންދާކަމަށާއި އޭނާއަށް ހަމަލާ ދީފައިވަނީ ނުރައްކާތެރި ހަތިޔާރެއްގެ ގޮތުގައި ބެލެވޭ އެއްޗެއް ބޭނުންކޮށްގެން ކަމަށް ބުނުމުގެ އިތުރުން ފުލުހުން އެހެން މައުލޫމާތެއް ނުދެއެވެ.
ފުލުހުން ބުނީ މިމާރާމާރީގެ މައްސަލަ ބަލަމުން ގެންދާކަމަށެވެ. ނަމަވެސް މި މައްސަލައިގައި އަދި އެއްވެސް މީހަކު ހައްޔަރެއް ނުކުރެ އެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
