ވައްކަމުގެ މައްސަލައަކާ ގުޅިގެން ބަންދާ މެދު ގޮތެއް ނިންމުމަށް އަންގާރަ ދުވަހު ކޯޓަށް ހާޒިރުކުރި ދެ މީހުންނަކީވެސް އުމުރުން 40 އަހަރުގެ ދެ މީހުންނެވެ. ބަންދު އަމުރުގައި ހިމެނޭ ފުލުހުންގެ އެލްސީ ނަންބަރުން އެނގޭ ގޮތުގައި މިއީ އެއް މައްސަލައެއްގައި ހިމެނޭ ދެ މީހުންނެވެ.
މީގެ ތެރެއިން އަންހެން މީހާ ޝަރުތަކާއެކު ކޯޓުން ދޫކޮށްލާފައިވަނީ މި އަންހެން މީހާގެ މައްޗަށް ކުރެވެނީ ކުޑަ ކުށެއްގެ ތުހުމަތުކަމުގައި ވެފައި އަންހެން މީހާގެ ސަބަބުން މުޖުތަމައަށް ނުރައްކަލެއް ނެތް ކަމަށް ބުނެއެވެ.
ހަމަ މިމައްސަލައިގައި ހިމެނޭ ފިރިހެން މީހާ 30 ދުވަހު ބަންދުކޮށްފައި ބެހެއްޓުމަށް ކޯޓުން އަމުރުކޮށްފައިވަނީ މުޖުތަމައުގެ ސަލާމަތާ ރައްކާތެރިކަމަށް ކަމަށް ބުނެއެވެ.
ވައްކަމުގެ މައްސަލައިގައި ހިމެނޭ އަންހެން މީހާ ޝަރުތުތަކަކާއެކު ދޫކޮށްލައި، އަދި ހަމަ އެ މައްސަލައިގައި ހިމެނޭ ފިރިހެން މީހާ 30 ދުވަހަށް ބަންދު ކުރަން އަންގާރަ ދުވަހު އަމުރު ކުރީ ކްރިމިނަލް ކޯޓުގެ ގާޒީ އިސްމާއިލް ޝަފީއުއެވެ.
