ތިން އުމުރުފުރާއަކަށް ހުޅުވާލާފައިވާއިރު، ކޮންމެ އުމުރުފުރާއަކުން އެއްވަނަ، ދެވަނަ އަދި ތިންވަނައަށް ހޮވޭ ފަރާތްތަކަށް އަގުހުރި އިނާމުތަކެއް ދިނުމަށް ނިންމާފައިވާ ކަމަށް އެސްޓީއޯ ވަނީ ބުނެފައި - ފޮޓޯ:އެސްޓީއޯ
ކުޑަކުދިންގެ ދުވަހާ ގުޅިގެން އެސްޓީއޯއިން ހާއްސަ ކުރެހުމުގެ މުބާރާތެއް
މުހައްމަދު އަތީފް
03 މޭ 2023 - 21:03:28
މި އަހަރުގެ ކުޑަކުދިންގެ ދުވަހާ ގުޅިގެން ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން ކުޑަކުދިންނަށް ހާއްސަ ކުރެހުމުގެ މުބާރާތެއް ހުޅުވާލައިފިއެވެ.
އެސްޓީއޯއިން ބުނެފައިވަނީ ތިން އުމުރުފުރާއަކަށް ހުޅުވާލައިގެން ކުރިއަށް ގެންދާ މި މުބާރާތުގެ ކޮންމެ އުމުރުފުރާއަކުންވެސް އެއްވަނަ، ދެވަނަ އަދި ތިންވަނައަށް ހޮވޭ ފަރާތްތަކަށް އަގުހުރި އިނާމުތަކެއް ދިނުމަށް ނިންމާފައިވާ ކަމަށެވެ.
މުބާރާތުގައި ބައިވެރިވެވޭނެ އުމުރުފުރާތަކަކީ:
- ހަ އަހަރުން ދަށް
- ހަތް އަހަރާއި 11 އަހަރާ ދެމެދު
- 12 އަހަރާއި 16 އަހަރާ ދެމެދު
އެސްޓީއޯއިން ބުނި ގޮތުގައި ކުރެހުން ހުށަހެޅުމުގެ އެންމެ ފަހު ތާރީހަކީ މި މަހުގެ 10 ވާ ބުދަ ދުވަސް ކަމުގައެވެ. މި މުބާރާތަށް ހުށަހަޅާ ކުރެހުންތައް ފޮނުވާނީ [email protected] އަށް ކަމަށް އެ ކުންފުނިން ބުނެއެވެ. އެސްޓީއޯއިން ބުނެފައިވަނީ މުބާރާތާ ގުޅޭ އުސޫލު އެ ކުންފުނީގެ ވެބްސައިޓުގައި ޝާއިއުކުރެވިފައިވާ ކަަމަށެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
