ނަޝީދަށް އަމާޒުކޮށް ބޮމުގެ ހަމަލާދިން ސަރަހައްދު
ރައީސް ނަޝީދަށް އިންސާފު ހޯދައިނުދެވުމަކީ ޖަރީމާއެއް!
އަރުޝަމް އަބްދުއްރަހީމް
07 މޭ 2023 - 12:31:16
ކުރީގެ ރައީސް މުހައްމަދު ނަޝީދަށް ދިން ބޮމުގެ ހަމަލާއަށްފަހު އެމައްސަލަ ނުނިމި އެމަނިކުފާނަށް އިންސާފު ނުހޯދައިދިނުމަކީ ޖަރީމާއެއްގެ ގޮތުގައި އެސްޓީއޯގެ ކުރީގެ މެނޭޖިން ޑިރެކްޓަރު ހުސައިން އަމްރް ސިފަކުރައްވައިފި އެވެ.
ރައީސް ނަޝީދަށް ބޮމުގެ ހަމަލާއެއް ދިންތާ ދެ އަހަރު ވެގެން ދިޔައިރުވެސް އިންސާފު ލިބިފައި ނުވާތީ އަމްރު މިއަދު ކުރެއްވި ޓްްވީޓެއްގައި ވިދާޅުވީ މިއީ ރާވައިގެން ހިންގާ ޖަރީމާއެއް ކަމަށެވެ.
އަމްރު ވިދާޅުވީ ބޮމުގެ ހަމަލާ ދިނުމުގެ ކުރިން އެ ހަމަލާގެ މައުލޫމާތު ސަރުކާރަށް އެނގިތިބެ އަޅާނުލި ކަމަށެވެ. އަދި އެ ހަމަލާއަށް ދެ އަހަރުވެގެން ދިޔައިރުވެސް އެ ހަމަލާ ރޭވި މީހުން ހޯދިފައިނުވާކަންވެސް އަމްރު ފާހަގަ ކުރެއްވި އެވެ.
"6 މޭ 2021 ގައި ރައީސް ނަޝީދު އަވަހާރަކޮށްލަން ދިން ބޮމުގެ ހަމަލާގެ މައުލޫމާތު އޭގެ ކުރިން ސަރުކާރަށް އެނގިތިބެ އަޅާނުލާ އަދި ހަމަލާއަށް 2 އަހަރު ވީއިރު އެ ހަމަލާ ރޭވި މީހުން ނުހޯދި ރައީސް ނަޝީދަށް އިންސާފު ނުހޯދައިދިނުމަކީ ރާވައިގެން ހިންގާ ޖަރީމާއެއް." - އަމްރު
މީގެ ދެ އަހަރު ކުރިން ރައީސް ނަޝީދަށް ދިން ބޮމުގެ ހަމަލާގައި އެމަނިކުފާނަށްވަނީ ވަރަށް ސީރިއަސް އަނިޔާތަކެއް ލިބިފަ އެވެ. އެ އަނިޔާތަކަށް އެމަނިކުފާނުވަނީ ޖަރުމަނުގައިވެސް ފަރުވާ ކުރައްވާފަ އެވެ.
0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
