ރާއްޖޭގައި އެންމެ ފުރަތަމަ ފައިބަ އޯޕަން އެކްސަސް ނެޓްވޯކެއް ގާއިމުކުރި ފަންބޮނޑި މޯލްޑިވްސްއިން ބުނީ ދިޔަމިގިލީގައި ގާއިމު ކުރެވިފައިވާ ފަންބޮނޑި ނެޓްވޯކް މެދުވެރިކޮށް އެތަކެއް ހިދުމަތްތަކެއް ކަސްޓަމަރުންނަށް ލިބިގެންދާނެ ކަމަށެވެ.
ދިޔަމިގިލީ ކައުންސިލް ރައީސް އަހުމަދު މޫސާ މަނިކު ވިދާޅުވީ މި ނެޓްވޯކްގެ ތެރެއިން ރައްޔިތުންނަށް ރަގަޅު ހިދުމަތްތަކެއް ލިބިގެންދާނެ ކަމަށް އުންމީދު ކުރައްވާ ކަމަށެވެ.
ފަންބޮނޑިން އެންމެ ފުރަތަމަ މިފަދަ ނެޓްވޯކެއް ގާއިމުކޮށްފައި ވަނީ އެ އަތޮޅު ވިލުފުށީގައެވެ. ފަންބޮނޑީގެ މި ނެޓްވޯކްގައި މިހާރު ވެސް ރާއްޖޭގެ އެންމެ ބޮޑު މުވާސަލާތީ ދެ ކުންފުނި، އުރީދޫ އާއި ދިރާގުން ވެސް ހިދުމަތް ފޯރުކޮށްދެމުން ގެންދެއެވެ.
ފައިބަ އޯޕަން އެކްސެސް ނެޓްވޯކްތަކަކީ ދުނިޔޭގެ ކުރިއަރާފައިވާ ގައުމުތަކުގައިވެސް މުވާސަލާތީ ވަސީލަތްތައް ފޯރުކޮށްދިނުމަށް ބޭނުންކުރާ ޒަމާނީ ނިޒާމެކެވެ.
