ސައިންސުވެރިން "AT2021lwx" ގެ ނަން ދީފައިވާ މި އަލިގަނޑަކީ ސުޕަނޯވާ (ތަރިއެއް ގޮވުމުން އުފެދޭ މިފަދަ އަލިގަނޑު) އަކަށް ވުރެ 10 ގުނަ އަލިގަދަ އަލިގަނޑެކެވެ.
ތަރިއެއް މަރުވުމުން އުފެދޭ ސުޕަރނޯވާ ގޮވުންތައް ދެމިގެންދާނީ މަދު މަސްތަކެއް ކަމަށްވާއިރު، މި ގޮވުމުގެ ހާދިސާ ހިނގަމުންދާތާ މަދުވެގެން ތިން އަހަރު ވެއްޖެއެވެ.
ގިނަ ދިރާސާތަކަށް ފަހު ސައިންސުވެރިންނަށް އެއްބަސްވެވުނު ގޮތުގައި "AT2021lwx" އަލުގަނޑު އޮތީ ދުނިޔެއާ ގާތްގަނޑަކަށް 8 ބިލިއަން އަލި އަހަރު ދުރުގައެެވެ. މި ގޮވުން ހިނގާފައިވަނީ ކައުނުގެ އުމުރުން އެންމެ 6 ބިލިއަން އަހަރުގައެވެ. ނަމަވެސް މި ޒަމާނުގައި މި އަލިގަނޑު ފެންނަން މި ފެށީ އަލީގެ ސްޕީޑު ދަތުރުކުރިވަރުން އަދިކިރިޔާ މި ގޮވުމުގެ އަލި ދުނިޔެއާއި ހަމައަށް ފޯރީއެވެ.
މިގޮތުން "AT2021lwx" ފުރަތަމަ ފެނުނީ 2020 ވަނަ އަހަރު ކެލިފޯނިއާގެ ޒްވިކީ ޓްރާންސިއެންޓް ފެސިލިޓީއަށެވެ.
މީގެ ތިން އަހަރު ކުރިން މި ބޮޑު އަލިގަނޑު ފެނުނު ނަމަވެސް، ގޮވުމުގެ ބޮޑު މިންވަރާއި ބާރު AT2021lwx މިހާތަނަށް ނޭނގެ އެވެ.
ފަލަކީ އިލްމުވެރިން ދެކޭ ގޮތުގައި "AT2021lwx" އަކީ އިރުއަށް ވުރެ އެތައް ހާސް ގުނަ ބޮޑު ގޭހުގެ ވިލާގަނޑެއް ބްލެކް ހޯލަކުން ކައިލުމާއި ގުޅިގެން އުފެދުނު ގޮވުމެކެވެ.
