ބިޒްނަސް ނޭމް ޖެނެރޭޓާ (ބީއެންޖީ) އިން ކުރި ދިރާސާއަކަށް ފަހު ނެރެފައިވާ ލިސްޓުގެ ގަދަ 10 އެއްގައި ދިވެހިރާއްޖެ ހިމަނާފައިވާއިރު، ބީއެންޖީ އިން ބުނާގޮތުން އާންމުކޮށް ރާއްޖޭގެ މަސައްކަތްތެރިއަކު، ހަފްތާއަކު 46 ގަޑިއިރު މަސައްކަތް ކުރަންޖެހެއެވެ.
ދިވެހި ރާއްޖޭގައި ހަފްތާއަކު 49 ގަޑިއަރަށްވުރެ ގިނައިރު މަސައްކަތް ކުރާ މީހުންގެ ޕަސަންޓޭޖަކީ 44 ކަަމަށެވެ.
ދުނިޔޭގައި އެންމެ ބުރަ މަސައްކަތް ކުރާކަމަށް އެ ލިސްތުގައި ހިމަނާފައިވާ މަލްޓާއާއި އަށްވުރެ ވެސް ހަފްތާއަކު 4.6 ގަޑިއިރު އިތުރަށް ދިވެހިރާއްޖޭގައި ވަޒީފާ އަދާކުރާ މީހުން މަސައްކަތް ކުރަންޖެހެއެވެ. އެ ލިސްޓުގެ އެއް ވަނަ މަލްޓާއަށް ލިބުނީ 49 ގަޑިއިރަށްވުރެ ގިނައިރު މަސައްކަތް ކުރާ މީހުންގެ ޕަސަންޓޭޖު 91.1 އަށް އަރާފައިވާތީއެވެ.
ލިސްތުގެ ދެ ވަނަ ބޫޓާން އަށް ލިބިފައިވާއިރު، ތިން ވަނައިގައި އޮތީ ދުބާއީ އެވެ. ހަތަރު ވަނަ ބަނުގަލަދޭޝް އަށް އަދި ފަސް ވަނަ ލިބިފައިވަނީ ކޮންގޯއަށެވެ. މޮރިޓޭނިއާ އޮތީ ހަވަނައިގައެވެ. އަދި ލެސޯތޯ އަށް ހަތް ވަނަ އަދި ދިވެހިރައްޖެއަށް އަށް ވަނަ އެވެ. އަދި ދިވެހިރާއްޖެއާއި ޖެހިގެން ނުވަ ވަނައިގައި ޕާސްކިސްތާނު އޮތްއިރު 10 ވަނަ ލިބިފައިވަނީ ލުބުނާނަށެވެ.
