ލީގުގައި މިއަދާ މާދަމާ ކުޅޭ މެޗުތަކަށް ފަހު ސާފް ޗެމްޕިއަންޝިޕަށް ތައްޔާރުވާން ލީގު މެދު ކަނޑާލާނެއެވެ. މިހާތަނަށް އައިއިރު، ލީގުގައި ކޮންމެ ޓީމަކުން ދެމެޗު ކުޅެފައިވާއިރު، އީގަލްސްއަކީ ދެ މެޗުން މޮޅުވި ތިން ޓީމުގެ ތެރެއިން އެއް ޓީމެވެ. ދެ މެޗުން ދެން މޮޅުވީ މާޒިޔާއާ ސަސްއެވެ. ޓީސީވަނީ އެއް މެޗުން މޮޅުވެ އެއް މެޗުން ބަލިވެފައެވެ.
މިއަދު ހަވީރު ކުޅޭ މެޗާ ބެހޭ ގޮތުން ވާހަކަ ދައްކަމުން އީގަލްސްގެ އެސިސްޓަންޓް ކޯޗު މުއާވިޔަތު އިލްހާމް (އިއްލެ) ބުނީ ޓީސީ މެޗަށް ވިސްނާއިރު ފަސޭހަނުވާނެކަން ވެސް އެނގޭ ކަމަށެވެ.
އަނެއްކޮޅުން އީގަލްސްއާ ދެކޮޅަށް މިއަދު ނުކުންނަ ޓީސީ އަށް އެންމެ ބޮޑު ޗެލެންޖަކީ ގޯލު ޖަހަން ލިބޭ ބޯޅަތަކުގެ ބޭނުން ނުހިފުން ކަމަށް ޓީސީންވަނީ ބުނެފައެވެ. ލީގުގެ ދެ މެޗުން ޖެހުނީ ދެ ލަނޑެވެ. އެންމެ ފަހުން ޓީސީ ކުޅުނު މެޗުން ބުރު އަތުން ބަލިވީ ފަހު ވަގުތު ގޯލެއް ވަދެގެންނެވެ.
