ރޮޒައިނާ ކުރެއްވި ޓްވީޓެއްގައި ވިދާޅުވެފައި ވަނީ ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދުގެ ޖަލްސާގައި އޭނާގެ ނަން އިއްވާފައިވަނީ ގަވައިދާ ހިލާފަށް ކަމަށާއި ގަވައިދާ ހިލާފް އަމުރަކަށް ކިޔަމަން ވާން ނުޖެހޭނެ ކަމަށެވެ.
ރޮޒައިނާ ވިދާޅުވީ ނަން އިއްވަން އޮންނަ އުސޫލުން ނަން އިއްވެވިނަމަ މަޖިލީހުން ނިކުމެވަޑައިގަތީސް ކަމަށެވެ.
މީގެ އިތުރުން ރޮޒައިނާ ކުރެއްވި އެހެން ޓްވީޓެއްގައި ވިދާޅުވެފައި ވަނީ މަޖިލީހުގެ ރައީސް ފުރަތަމަ ނަސޭހަތްތެރިވެ ވަޑައިގަތް ހިސާބުން އެއްވެސް އެއްޗެއް ނުބުނާ ކަމަށެވެ. އަދި ނަން އިއްވެވީ ގޯސްކޮށްކަމަށް މަޖިލީހުގެ އެސްޖީވެސް ވިދާޅުވިކަމަށް ރޮޒައިނާ ވިދާޅުވި އެވެ.
ރޮޒައިނާގެ ނަން އިއްވުމުން އޭނާ ވަނީ މަޖިލީހުގައި ވަރަށް ބޮޑަށް ނުރުހުން ފާޅު ކުރައްވާފަ އެވެ. އަދި "ލަޑާނަން މިތަނަށް އައިއްސިއްޔާ ގައިގަ އަތްލަން" ވިދާޅުވާ ވީޑިއޯއެއް ސޯޝަލް މީޑިއާގައި ވަނީ ދައުރުވާން ފަށާފަ އެވެ.
