އާންމުންގެ ފަރާތުން ގިނަ ޝަކުވާތަކެއް ލިބުމުން ޅ. އަތޮޅު ހޮސްޕިޓަލުން ވަކިކޮށްފައިވަނީ އެ ހޮސްޕިޓަލުގައި މަސައްކަތް ކުރާ އަންހެނުންގެ ހާއްސަ ޑޮކްޓަރެކެވެ. ސީއެންއެންއަށް މައުލޫމާތު ލިބިފައިވާ ގޮތުގައި މި ޑޮކްޓަރަކީ މިސްރަތް ނިސްބަތްވާ މުހައްމަދު ޔަހްޔާ ކިޔާ މީހެކެވެ.
މި ޑޮކްޓަރަކީ ހޮސްޕިޓަލު ތެރޭގައި އަދި ރަށު ތެރޭގައިވެސް މީހުންނަށް އުނދަގޫވާ ގޮތަށް އަމަލު ކުރަމުން އަންނަ މީހެއް ކަމަށާއި މީހުންނަށް ފުރައްސާރަ ކުރާ މީހެއް ކަމަށްވެސް އެ ރަށުގައި ދިރިއުޅޭ ކިޔުންތެރިއެއް ސީއެންއެމްއަށް ކިޔައިދިނެވެ.
ޔަހްޔާ ސަސްޕެންޑް ކުރީ ނަރުހުންނަށް އެއްޗެހި ކިޔުމާ ބަލި މީހުންގެ ހިތުގަ ޖެހޭ ފަދަ އެއްޗެހި ބުނުން ފަދަ ޝަކުވާތައް ހޮސްޕިޓަލަށް ލިބުމުންނެވެ.
ރަށުތެރޭގައި މި ޑޮކްޓަރުގެ ފަރާތުން ފެނިފައިވާ ބައެއް ކަންކަން ބައެއް މީހުން ވަނީ ވީޑިއޯކޮށް ސޯޝަލް މީޑިއާއަށްވެސް ދޫކޮށްލާފަ އެވެ.
ޅ. އަތޮޅު ހޮސްޕިޓަލުގައި އަންހެނުންގެ ހާއްސަ ދެ ޑޮކްޓަރުން ތިބޭ އިރު އަނެއް ޑޮކްޓަރު ހުރީ ޗުއްޓީގައި ކަމަށް މައުލޫމާތު ލިބެ އެވެ.
