ކާންސް ފިލްމް ފެސްޓިވަލްގައި ޕްރިޔަންކާ ޗޯޕްރާ އާއި ނިކް ޖޮނާސް ފެނިގެންދިޔައެވެ. ޕްރިޔަންކާ ލައިގެން ހުރީ ހުދުކުލައިގެ ރީތި ބްރައިޑަލް ގައުނެއް ކަމަށާއި، ޖޯނަސް ލައިގެން ހުރީ ކަޅު ކުލައިގެ ޓޮކްސީޑޯއެކެވެ. ރެޑް ކާޕެޓް މަތީގައި ފޮޓޯ ނަގަން ޕޯޒް ކުރަމުން ދިޔައިރު އެ ދެމަފިރިން ތިބީ ވަރަށް އުފަލުންނެވެ. 

އެމީހުން ރެޑް ކާޕެޓުން ފައިބައިގެން ދިޔައިރު ވާރޭ ވެހެން ފެށިއެވެ. ނިކް ޖޯނަސް އަވަސް އަވަހަށް ޕްރިޔަންކާ ޗޯޕްރާގެ ކުރިމައްޗަށް އަރައި ކުޑައެއް ހުޅުވާލިއެވެ.  ޗޯޕްރާ އިސްއުފުލާ ޖޯނަސްއަށް ބަލާލަމުން ހިނިތުންވެލިއެވެ. އެ ދެމަފިރިން ރެޑް ކާޕެޓުން ފައިބައިގެން ދިޔައީ އަތަށް އަތުލައިގެން، ވާރޭގެ ތެރެއިން ނިކް ޖޯނަސް ޕްރިޔަންކާއަށް ކުޑަ ނަގައިދީގެންނެވެ. 

ކާންސްގައި މި ދެމަފިރިން ހޭދަކުރާ އުފާވެރި ވަގުތުކޮޅަކީ އެކަކު އަނެކަކަށް ކުރާ ލޯތްބާއި އިހުތިރާމް ހަނދާންކޮށްދިން ވަގުތުކޮޅަކަށް މިވަނީ ވެފައެވެ.