ބަންޑާރަ ކުރުލާ ކޮމްޕްލެކްސް (ބީކޭސީ) ސަރަހައްދުގައި ގާއިމްކޮށްފައިވާ މި ހޮޓަލުގެ މަސައްކަތް ކުރިއަށް އޮތް ދެ އަހަރު ދުވަހުގެ ތެރޭގައި ނިންމާލެވޭނެ ކަމަށް ބެލެވެ އެވެ.
މި ހޮޓަލަކީ ހާންގެ ޕްރޮޑަކްޝަން ހައުސް، ސަލްމާން ހާން ފިލްމްސް އާއި ލީޑިން ހޮސްޕިޓަލިޓީ ގްރޫޕަކާ ގުޅިގެން ހިންގާ ހޮޓަލެކެވެ. އެ ހޮޓަލުގައި 200 ކޮޓަރިއާއި ސުއިޓްގެ އިތުރުން ގިނަ އަދަދެއްގެ ރެސްޓޯރެންޓްތަކާއި ބާތަކާއި އެހެނިހެން ވަސީލަތްތައް ގާއިމް ކުރާނެ އެވެ.
ސަލްމާން ވަނީ މި މަޝްރޫގެ ތެރެއިން، "ދުނިޔޭގެ ފެންވަރުގެ" ހޮޓަލެއް އުފައްދަން ބޭނުންވާ ކަމަށް ބުނެފަ އެވެ. އަދި މުމްބާއީގައި ފަތުރުވެރިކަން ކުރިއެރުވުމަށް އެ ހޮޓަލުގެ ބޭނުން ހިފަން ބޭނުންވާ ކަމަށް ވެސް އޭނާ ވަނީ ބުނެފަ އެވެ.
އެ ހޮޓަލުގެ އިމާރާތްކުރުމުގެ ސަބަބުން އެތައް ސަތޭކަ ވަޒީފާއެއް އުފެދި، މުމްބާއީގެ އިގްތިސާދަށް ކުރިއެރުން ލިބުން އެކަށީގެންވެ އެވެ. އަދި އެ ހޮޓަލަށް ދުނިޔޭގެ އެކި ކަންކޮޅުތަކުން ގިނަ އަދަދެއްގެ ފަތުރުވެރިން ޒިޔާރަތްކުރާނެ ކަމަށް ބެލެވެއެވެ.
މިއީ ސަލްމާން ހާން ވިޔަފާރިއަށް ނިކުންނަ ފުރަތަމަ ފަހަރެއް ނޫނެވެ. މީގެ ކުރިން އޭނާ ވަނީ ހެދުން ލައިނެއް ތައާރަފްކޮށް، ޖިމްގެ ޗެއިންއެއް ވެސް ތައާރަފްކޮށްފަ އެވެ. އަދި ގިނަ އަދަދެއްގެ ރެސްޓޯރެންޓްތަކާއި އެހެނިހެން ވިޔަފާރިތައްވެސް ސަލްމާން ހާން މިހާރުވެސް ކުރެއެވެ.
