ބޮލީވުޑްގެ ފަންނާނުން ކަމަށްވާ އަޖޭ ދޭވްގަން އާއި ކާޖޮލްގެ ދަރިފުޅު ނައިސާ ދޭވްގަން މިހާރު އުޅެނީ ޗުއްޓީ ހޭދަކުރުމަށް ލަންޑަނަށް ގޮސްފައެވެ. ހޮނިހިރު ދުވަހުގެ ރޭ ލަންޑަންގެ ކްލަބެއްގައި އެކުވެރިންނާ އެކު ޕާޓީ ކުރާތަން ފެނިފައިވެ އެވެ.
ކަޅުކުލައިގެ ހެދުމެއްގައި ނައިސާ ފެނުނެވެ. އަދި އިސްތަށިގަނޑު ސްޓައިލްކޮށްފައި ވަނީ ސްލީކް ޕޮނީޓޭލް އަކުންނެވެ.
ނައިސާގެ ރައްޓެހިން ވަނީ އެރޭގެ ފޮޓޯތަކެއް ސޯޝަލް މީޑިއާގައި ހިއްސާކޮށްފައެވެ. އެ ތަސްވީރުތަކުން ފެންނަނީ ނައިސާ ނަށައި ރައްޓެހިންނާއެކު އުފާވެރި ވަގުތުކޮޅެއް ހޭދަކުރަމުންދާތަނެވެ.
ނައިސާ މިހާރު ކިޔަވަމުން އަންނަނީ ލަންޑަންގައެވެ. އިންޓަނޭޝަނަލް ހޮސްޕިޓަލިޓީ އާއި ޓޫރިޒަމް މެނޭޖްމަންޓްގެ ދާއިރާއިން ޑިގްރީ ހާސިލް ކުރައްވަމުން ގެންދާއިރު، މިއަހަރު ގްރެޖުއޭޓްވާނެ ކަމަށް ބެލެވެ އެވެ.
ނައިސާ ވަނީ އޭނާގެ މައިންބަފައިންގެ ފިޔަވަޅުމަތީގައި ބޮލީވުޑްގައި ކެރިއަރެއް އުފެއްދުމަށް ޝައުގުވެރިކަން ފާޅުކޮށްފަ އެވެ. މީގެ ކުރިން ވެސް ފިލްމުތަކާއި މިއުޒިކް ވީޑިއޯތަކުން މަދު ފަހަރަކު އޭނާ ފެނިގެން ގޮސްފައިވެ އެވެ.
