Advertisement

ސެންޓްރަލް އޭޝިއަން ވޮލީބޯޅަ އެސޯސިއޭޝަން (ކާވާ) އަންހެނުންގެ ވޮލީބޯޅަ ޗެލެންޖް ކަޕު ފެށުނީ ނޭޕާލުގެ ކަތަމަންޑޫގައި މިއަދުއެވެ. 

މުބާރާތުގައި ކަޒަކިސްތާނާ ދެކޮޅަށް މިރޭ ކުޅުނު މެޗުން ރާއްޖެ ބަލިވީ ސީދާ ތިން ސެޓުންނެވެ. ކަޒަކިސްތާނުން މެޗުގެ ސެޓްތައް ގެންދިޔައީ 25-16، 25-14 އަދި 25-6 އިންނެވެ.

ރާއްޖެ އާއި ކަޒަކިސްތާނު ހިމެނޭ ގުރޫޕް ބީގައި ދެން ހިމެނެނީ ސްރީ ލަންކާ އާއި އުޒްބަކިސްތާނެވެ. އުޒްބަކިސްތާނާ ލަންކާ މިއަދު ކުޅުނު މެޗުން އުޒްބަކިސްތާން މޮޅުވީ ތިން ސެޓުންނެވެ. އެއީ 27-25، 25-20 އަދި 25-14 އިންނެވެ. 

ރާއްޖޭން ގުރޫޕް ސްޓޭޖުގައި ކުޅޭ ދެވަނަ މެޗުގައި ކުޅޭނީ އުޒަބަކިސްތާނާ ދެކޮޅަށެވެ. މެޗު ފަށާނީ މާދަމާ ހަވީރު ރާއްޖެ ގަޑިން 5:45 ގައެވެ.