Advertisement

މި މަޝްރޫއު އެމްޓީސީސީ އާ ހަވާލުކުރުމަށް ޕްލޭނިން މިނިސްޓްރީގައި މިއަދު ބޭއްވި ރަސްމިއްޔާތުގައި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ޗީފް އެގްޒެކެޓިވް އޮފިސަ އާދަމް އާޒިމެވެ. ޕްލޭނިން މިނިސްޓްރީގެ ފަރާތުން ސޮއިކުރެއްވީ ޕާމަނަންޓް ސެކްރެޓަރީ ޒީނިޔާ އަހުމަދު ހަމީދެވެ.

ބިލެއްދޫ ބަނދަރު ތަރައްގީކުރުމުގެ މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:

• ރަށުގެ ހުޅަނގު ދެކުނުގެ ބަނދަރުގައި 133 މީޓަރުގެ ކޮންކްރީޓް ޖެޓީ
• 224 މީޓަރުގެ ބޮޑުހިލަ ރިވެޓްމަންޓް
• 440 މީޓަރުގެ ބޮޑުހިލަ ރިވެޓްމަންޓް ރިޕްރޮފައިލްކުރުން
• 21 މީޓަރުގެ ނެރުފައިކަށި ރިޕްރޮފައިލްކުރުން
• 84 މީޓަރުގެ ބޮޑުހިލަ ބޭރުތޮށި
• 95 މީޓަރު ފުޅާ ދޯނި އެހެލާ ސަރަހައްދެއް
• 225 މީޓަރުގެ ބޮޑުހިލަ ރިވެޓްމަންޓް
• އަލަށް އިތުރުކުރެވޭ ބަނދަރު އެއްގަމުފަޅީގައި 250 މީޓަރުގެ ބޮޑުހިލަ ރިވެޓްމަންޓް
• 5 މީޓަރު ފުޅާ ޕޭވްމަންޓް
• ބަނދަރު ސަރަހައްދާއި ނެރު ފުންކުރުން
• ބަނދަރު ނެރު ބައްތި
• ހާބަރު ލައިޓް
• އިރު އުތުރު ފަރާތުގައި 44 މީޓަރުގެ ބޮޑުހިލައިގެ 7 ބޭރުތޮށި

ޕްލޭނިން މިނިސްޓްރީގެ ފަރާތުން މި މަސައްކަތް އެމްޓީސީސީ އާ ހަވާލުކޮށްފައިވަނީ 72.31 މިލިއަން ރުފިޔާ އަށް 450 ދުވަހުގެ ތެރޭގައި މަސައްކަތް ނިންމާ ހަވާލުކުރާ ގޮތަށެވެ.