ފްލައިޓު އެމަޖެންސީގައި ޖެއްސީ އިންޖީނަށް ދޫންޏެއް ވަދެގެންނެވެ. ފުލައިޓު ނައްޓާލިތާ ކުޑަ ސިކުންތު ކޮޅެއްގެ ތެރޭގައި ވަނީ އަނބުރާ ޖައްސާފައެވެ.
ކުއްލިއަކަށް ފުލައިޓު ނައްޓާލުމާއެކު ޖެއްސުމުން ފްލައިޓުގައި ތިބި ފަސިންޖަރުން ވަނީ ހަޅޭލަވައި ބިރުވެރިކަން ފާޅުކޮށްފައެވެ.
މިއަދު ހެނދުނު 8:25 އެހާކަންހާއިރު ހިނގި މިހާދިސާގައި ހުރިހާ ފަސިންޖަރުންނާއި ފަޅުވެރިން ސަލާމަތުން ތިބިއިރު، އެ ބޯޓު ބަލައި ފާސްކުރުމަށްފަހު ވަނީ އަލުން އުދިފައެވެ.
179 ފަސިންޖަރުންނާއި ފަޅުވެރިންނާއެކު ދަތުރުކުރި މި ފްލައިޓު ފުރުމަށް ހަމަޖެހިފައި އޮތީ ހެނދުނު 8:15 ގައެވެ. ނަމަވެސް ދޫނި ޖެހުމުގެ ސަބަބުން ގާތްގަނޑަކަށް 30 މިނެޓް ލަސްވި އެވެ.
މި މައްސަލަ ތަހުގީގު ކުރުމަށް ޑިރެކްޓަރޭޓް ޖެނެރަލް އޮފް ސިވިލް އޭވިއޭޝަން (ޑީޖީސީއޭ) އިން ވަނީ އަންގައިފަ އެވެ. އަދި ކުރިއަށް އޮތްތަނުގައި ދޫނި ހަމަލާތައް ހުއްޓުވުމަށް ފިޔަވަޅުތައް އެޅުމަށް ވެސް ޑީޖީސީއޭ އިން ވަނީ އެއާޕޯޓް ކަމާބެހޭ އިދާރާތަކަށް އަންގާފަ އެވެ.
ދޫނި ހަމަލާތަކަކީ މަތިންދާބޯޓުތަކުގެ ސަލާމަތަށް ކުރިމަތިވާ ވަރަށް ބޮޑު ނުރައްކަލެކެވެ. އެއީ މަތިންދާބޯޓުގެ އިންޖީނާއި އެހެނިހެން ބައިތަކަށް ގެއްލުން ލިބި، ބޯޓު ވެއްޓުމަށް ވެސް މަގުފަހިވާ ކަންކަމެވެ. ދޫނި ހަމަލާތައް ހުއްޓުވޭނެ ގޮތުގެ ގައިޑްލައިން ޑީޖީސީއޭ އިން އެއާޕޯޓްތަކަށް ވަނީ ނެރެފަ އެވެ.
