ސީއެންއެމްއަށް އައުޒަމް ވިދާޅުވީ އެހާދިސާ ހިނގާފައިވަނީ ރޭ 7:45 އެހާކަށް ހާއިރު ކަމަށާއި، ހާދިސާ ހިނިގި ވަގުތު ގޭގެ ދިރިއުޅޭ މީހުން ތިބީ ގޭ ތެރޭގައި ކަމަށާއި އަލިފާން ނިއްވުމުގައި އެ ރަށު ކައުންސިލާއި ސިފައިން އަދި އެރަށުގެ ގާއިމްވެ ތިބޭ ފުލުހުނާއި އާންމުން ހަރަކާތްތެރިވެފައިވާ ކަމަށެވެ.
އަލިފާން ރޯވެފައިވަނީ އެ ގޭގައި ގުދަނެއްގެ ގޮތުގައި ބޭނުންކުރަމުން އައި ބައެއްގަ ކަމަށާއި، ގުދަނާ އިންވެގެން އެ ގޭގެ ބަދިގެ ހުންނައިރު، މީހުން ދިރިއުޅޭ ބައި ހުންނަނީ ވަކިން ނެވެ.
އެއްވެސް މީހަކަށް މި ހާދިސާގައި އަނިޔާއެއް ލިބިފައި ނުވި ނަމަވެސް، ގޭގެ ގުދަނަށާއި ބަދިގެއަށް ވަރަށް ބޮޑު ގެއްލުމެއް ވެފައިވާކަމަށް އެމްއެންޑީއެފުން ބުނެއެވެ.
އަލްފާ ގޭގައި ރޭ ރޯވެފައި
ކައުންސިލް ރައީސް އައުޒަމް ވިދާޅުވީ އެގޭ އުޅޭމީހުންނަށްވެސް ފެނުނީ އަލިފާން ރޯވެފަ ހުއްޓާ ކަމަށާއި، އަލިފާން ފުރަތަމަ ރޯވީ އެގޭ ފިހާރައެއްގެ ގޮތުގަ މުދާ ވައްދާފަ ހުރި ބައެއްގަ ކަމަށެވެ.
އައުޒަމް އިތުރަަށް ވިދާޅުވީ ކައުންސިލަށް މައުލޫމާތު ލިބުމާއެކު އަލްފާ ގޭގައި ދިރިއުޅެމުންދިޔަ ހަތަރުމީހުން ރައްކާތެރި މާހައުލަކަށް ބަދަލު ކޮށްފައިވާ ކަމަށެވެ.
މީގެ އިތުރުން އެގެއަކީ އެތައް ޒަމާންވަންދެން އެ އާއިލާ ދިރިއުޅެމުން އައި ގެ ކަމަށާއި، ގޭގައި ވަރަށް ގިނަ މުދާ ތަކެއް ހުރިކަމަށާއި، އަލިފާނުގެ ހާދިސާގެ ސަބަބުން މިލިޔަނެއްހާ ރުފިޔާގެ ގެއްލުން ވެރިފަރާތަށް ލިބިފައިވާ ކަމަށްވެސް އައުޒަމް ވިދާޅުވިއެވެ.
