ރައްޔިތުންގެ މަޖިލީހުގެ މެންބަރު ޒަރީރަށް ގްރޫޕަކުން ހަމަލާދީ ޒަހަމްކޮށްލީ މި މަހުގެ ފުރަތަމަ ދުވަހުގެ ފަތިހު ބުރުޒުމަގުގައި ހުރި ކެފޭއެއްގެ ތެރެއިންނެވެ.
މި މައްސަލައާ ގުޅިގެން ތިން މީހަކު ހައްޔަރުކޮށްފައިވާއިރު، ދެ މީހެއްގެ ބަންދު މުއްދަތު މިއަދުވަނީ އިތުރު 15 ދުވަހަށް އިތުރުކޮށްފައެވެ. ދެން ހައްޔަރު ކުރި މީހާއަކީ ފިލައިގެން އުޅުމަށް ފަހު އަމިއްލައަށް ފުލުހުންނާ ހަވާލުވީ މީހެކެވެ. އޭނާ ހުރީ 30 ދުވަހަށް ބަންދުކޮށްފައެވެ.
މަތިވެރި ދާއިރާގެ މެންބަރު ހަސަން ޒަރީރު މަރާލަން އުޅުން ކަމުގެ ތުހުމަތުގައި ފުލުހުން ހޯދަން އިއުލާންކޮށްގެން އުޅެނިކޮށް އަމިއްލައަށް ހަވާލުވީ މއ. ނައިޓްވިލާ، އިބްރާހީމް ޢަބްދުﷲ (ގައްބަރޭ) އެވެ. ގައްބަރޭއަކީ އެމްޑީޕީގެ ގައުމީ މަޖިލީހުގެ މެމްބަރެކެވެ.
އެމްޑީޕީގެ ވެބްސައިޓުގައިވާ ގޮތުން ގައްބަރޭއަކީ އެމްޑީޕީގެ މައްޗަށް ގޮޅީ ދެކުނު ދާއިރާގެ ރައީސް އެވެ.
