މަޝްހޫރު ފިލްމު "ދިލް ތޯ ޕަގަލް ހޭ" ގައި އެކުގައި ކުޅުނު މި ދެ ބަތަލާއިން ފެނިގެން ގޮސްފައިވަނީ ފިލްމުގެ "އެކް ޑޯ ޓީން" ލަވައަށް ނަށާތަނެވެ. އެ ބަތަލާއިންގެ ފޭނުން އަނެއްކާ ވެސް އެދެމީހުން އެކުގައި ފެނުމުން އުފާވިއިރު، ގިނަ ބަޔަކު ވަނީ ސޯޝަލް މީޑިއާއަށް ނުކުމެ ފޯރި ނަގާފައެވެ. އަދި އެ ވީޑިއޯގެ ސަބަބުން 1997 ވަނަ އަހަރު ރިލީޒްކުރި ފިލްމުގެ ހަނދާންތައް އާވި ކަމަށް ވެސް ބައެއް މީހުން ބުނެފައިވެ އެވެ.
އެ ވީޑިއޯ ކަރިޝްމާ ކަޕޫރު އޭނާގެ އިންސްޓަގްރާމް އެކައުންޓުގައި ހިއްސާކޮށްފައިވާއިރު، އޭގެ ފަހުން އެ ވީޑިއޯ ވަނީ އެއް މިލިއަނަށް ވުރެ ގިނަ ފަހަރު ބަލާފައެވެ. މަދޫރީ ޑިކްސިޓް ވެސް އޭނާގެ އިންސްޓަގްރާމް އެކައުންޓުގައި އެ ވީޑިއޯ ހިއްސާކޮށްފައިވެއެވެ.
މި ވީޑިއޯއަށް ފޭނުންގެ ފަރާތުން ވަނީ ވަރަށް ގިނަ ރަނގަޅު ރިއެކްޝަންތަކެއް ލިބިފައެވެ. މި ދެ ބަތަލާއިން އެކުގައި ފެންނަ ފެނުމުގައި މޮޅު ކަމާއި، އަދި އެ ދެ ބަތަލާއިން ފެންނަނީ ވަރަށް މަޖާ ބައެއްގެ ގޮތުގައި ކަމަށް ވެސް ކޮމެންޓު ކުރި މީހުން ބުނެފައިވެއެވެ.
