މިއަދު އޭޖީއާ އެކު މަޖިލީހަށް ވަޑައިގެންނެވީ ޑެޕިއުޓީ އޭޖީ ހަދީޖާ ޝަބީނާއި ކައުންސެލް ޖެނެރަލް ފާތިމަތު ހަލީމް އެވެ.
އޭޖީ މިއަދު ވަނީ މަޖިލީހަށް ވަޑައިގެންފައެވެ. އެއީ މިދިޔަ ބުދަ ދުވަހު އެޖީގެ އިތުބާރު ނެތްކަމުގެ މައްސަލައަށް ލިޔުމުން ޖަވާބު ދެއްވުމުން، ޖަވާބު މަޖިލީހުގައި އިއްވާފައި ނުވާތީ އޭނާ މިއަދު މަޖިލީހަށް ވަޑައިގެންެވީއެވެ.
މިއަދުގެ ޖަލްސާގައި ސަލީމް ވިދާޅުވީ ޕީޖީއާއެކު ވަޑައިގެންވީ 18 އަހަރު ނުފުރޭ ކުޑަ ދެކުދީން ކަމަށްޝައްކު ކުރެވޭ ކަމަށް ވިދާޅުވެފައެވެ. ސަލީމް މިހެން ވިދާޅުވީ އާދަމް ޝަރީފް މައްސަލަ ހުށަހަޅުއްވަމުން ގެންދަވަނިކޮށް ނިޒާމީ ނުކުތާއެއް ނެންގެވުމަށް ފަހުއެވެ.
ސަލީމްގެ މި ފުރައްސާރަ ކުރުމާއެކު ގަލޮޅު ދެކުނު ދާއިރާގެ މެމްބަރު މީކާއީލް އަހުމަދު ނަސީމް ވިދާޅުވީ މަޖިލީހަށް ވަޑައިގަންނަވާ އަންހެން ބޭފުޅުންނާ ކުޑައިމީސްކޮށް ވާހަކަ ނުދެއްކެވޭނެ ކަމަށެވެ.
މީކާއިލް ނެންގެވި ނިޒާމީ ނުކުތާއަށް ޖަވާބު ދެއްވަމުން ރައީސް ނަޝީދު ވިދާޅުވީ އެމައްސަލަ ބަލައިގަންނަ ކަމަށާއި މަޖިލީހުގެ އެއްވެސް މެންބަރަކު ޖިންސުއް ލަތީފުންނަށް ފުރައްސާރަ ނުކުރުމަށެވެ.
