ރައްޔިތުންގެ މަޖިލީހުގެ އިދާރާގައި މިއަދު އެމްޑީޕީގެ ޕީޖީން ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން އަސްލަމް ވިދާޅުވީ ކޮމިޓީތައް އެކުލަވާލާ މަސައްކަތްތައް ފެއްޓުމުން މަޖިލީހުގެ ސަލާމަތީ ހިދުމަތްތަކާއި ބެހޭ ކޮމިޓީގެ މުގައްރިރުކަމުގެ ދެންވެސް އެމަނިކުފާނު ހުންނަވާނަމަ ރައީސް ފޮނުއްވި ހޯއްދެވުމަށް މަސައްކަތް ކުރެއްވުމަށް ގަސްތު ކުރައްވާ ކަމަށެވެ.
އަސްލަމް ވިދާޅުވީ ކޮމިޓީގެ ބައްދަލުވުން ދެން ބޭއްވޭ އެންމެ ފުރަތަމަ ދުވަހު ކޮމިޓީގެ މުގައްރިރުގެ މަގާމުގައި އޭނާ ހުންނަވާނަމަ ރައީސްގެ ސިޓީފުޅު ހޯއްދެވުމަށް ރައީސް އޮފީހަށް ސިޓީއެއް ފޮނުވުމަށް ގަސްތުކޮށްފައިވާ ކަމަށެވެ.
މަޖިލީހުގެ ކޮމިޓީތަށް ހުއްޓިފައިވަނީ މަޖިލީހުގެ ދަފްތަރުގައި މެންބަރުން ސިޔާސީ ޕާޓީތައް ތަމްސީލުކުރާ ގޮތަށް އައި ބަދަލާއިއެކު އަލުން ކޮމިޓީތައް އެކުލަވާލަން ޖެހުމުންނެވެ.
އަސްލަމް ވިދާޅުވީ ގަވައިދުގައިވާ ގޮތުން ކޮމިޓީތަކުގައި މެންބަރުން ތިއްބަވާނީ ޕާޓީއެއްގައި މެންބަރުން ތިއްބަވާ ނިސްބަތުން ކަމަށެވެ. އެގޮތުން މަޖިލީހުގެ މެންބަރުންގެ ތެރެއިން އެމްޑީޕީގައި 64 އިންސައްތަ މެންބަރުން ތިއްބެވިކަން އަސްލަމް ފާހަގަ ކުރެއްވި އެވެ.
