ދުނިޔޭގެ އެންމެ އަގުބޮޑު ކުޅުންތެރިޔާގެ ގޮތުގައި ޕޯޗުގަލްގެ ކްރިސްޓިއާނޯ ރޮނާލްޑޯ ކުޅެމުން އަންނަ ސައުދީ އަރަބިއްޔާގެ އަލްނަސްރުން، ޒިދާންއަށް ހުށަހަޅާފައިވަނީ ދެ އަހަރަށް 150 މިލިއަން ޕައުންޑްގެ އަގެކެވެ. މި ހުށަހެޅުމަށް ޒިދާން އެއްބަސްވިނަމަ އޭނާ ވެގެންދާނީ ދުނިޔޭގެ އެންމެ އަގުބޮޑު ކޯޗަށެވެ. އެހެންނަމަވެސް ރިޕޯޓްތައް ބުނާ ގޮތުން މި ހުށަހެޅުމަށް ޒިދާންވަނީ ނޫނެކޭ ބުނެފައެވެ.
2021 ވަނަ އަހަރުގެ މޭ މަހުން ފެށިގެން ޒިދާން އެއްވެސް ކްލަބަކަށް ކޯޗު ކޮށެއް ނުދެއެވެ. އަލް ނަސްރުގެ ހުށަހެޅުމަށް ޒިދާން ނޫނެކޭ ބުނެފައިވަނީ ރިޕޯޓައް ބުނާ ގޮތުން ޔޫރަޕުގެ ގަދަ ފަސް ލީގު ނޫން ލީގެއްގައި ޒިދާން މަސައްކަތް ކުރަން ބޭނުންނުވާތީއެވެ.
މީގެ ކުރިން ޗެލްސީންނާ މެންޗެސްޓަ ޔުނައިޓެޑުންވެސް ޒިދާން އެ ޓީމުތަކުގެ ކޯޗަކަށް ހެދޭތޯ މަސައްކަތް ކުރިކަމަށްވެއެވެ. އެމެރިކާ އަދި ބްރެޒިލްގެ ގައުމީ ޓީމުންވެސް ނުރަސްމީ ހުށަހެޅުންތައް ޒިދާންއަށް ކުރިން ލިބުނު ކަމަށްވެއެވެ.
