ވޯލްޑް ލީޑިން ޓުއަރިޒަމް ޑެސްޓިނޭޝަން، ނުވަތަ ފަތުރުވެރިކަމުގެ މަންޒިލްގެ އެވޯޑަކީ ވޯލްޑް ޓްރެވަލް އެވޯޑްސްގައި ދެވޭ އެންމެ ޝަރަފުވެރި އެއް އެވޯޑެވެ.
މިއީ ވިދި ވިދިގެން އެ އެވޯޑު ރާއްޖެއަށް ލިބުނު ފަސް ވަނަ ފަހަރެވެ. އެ އެވޯޑުގެ އިތުރުން ވޯލްޑްސް ލީޑިން ގްރީން ޑެސްޓިނޭޝަން އެވޯޑު ވެސް ރާއްޖެއަށް ވަނީ ލިބިފަ އެވެ.
ޕޯޗުގަލްގެ މެޑީރާގައި ބޭއްވި އެ ހަފްލާގައި އެވޯޑާ ހަވާލުވެ ވަޑައިގަތީ ޓޫރިޒަމް މިނިސްޓަރު އިބްރާހިމް ފައިސަލް އެވެ.
ރާއްޖޭން އެ އެވޯޑު ހޯދީ ދުބާއީ، އޮސްޓްރޭލިއާ، ގްރީސް، ސްޕެއިން، ވިއެޓްނާމް، އިންޑޮނީޝިއާ، އެމެރިކާ އަދި ޖެމެއިކާ ފަދަ ގައުމުތަކާއި ވާދަކޮށްގެންނެވެ.
ވޯލްޑު ޓުރެވެލް އެވޯޑްސްގައި ރާއްޖެ އިން ވަނީ އިތުރު އެވޯޑުތަކެއް ވެސް ހާސިލުކޮށްފަ އެވެ. އެގޮތުން ވޯލްޑު ގްރީން ޑެސްޓިނޭޝަން އެވޯޑު ރާއްޖެ އަށް ވަނީ ލިބިފަ އެވެ. މިއީ މި އެވޯޑު ރާއްޖެ އަށް ލިބުނު ފުރަތަމަ ފަހަރެވެ.
ޓްރެވެލް އެވޯޑްސް އަކީ 1993 އިން ފެށިގެން ދުނިޔޭގެ ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތަކުގެ އަގު ވަޒަންކުރުމުގައި ފާހަގަކޮށްލެވޭ މުހިންމު އެވޯޑެކެވެ.
