ކާޖޮލް
ކާޖަލް ސޯޝަލް މީޑިއާއާ ދުރަށް
އައިޝަތު ނޫރާ
09 ޖޫން 2023 - 15:43:46
ނެޓްފްލިކްސްގެ އެންތޮލޮޖީ ފިލްމު "ލަސްޓް ސްޓޯރީސް 2" އިން އެންމެ ފަހުން ފެނިގެން ދިޔަ ބޮލީވުޑުގެ މަޝްހޫރު ބަތަލާ ކާޖަލް ސޯޝަލް މީޑިއާ އިން ބްރޭކެއް ނަގިކަން އިއުލާނުކޮށްފިއެވެ.
Advertisement
އޭނާ ސޯޝަލް މީޑިއާއާ ދުރަށް ގޮސްފައި ވަނީ "އަމިއްލަ ނަފްސަށާއި އާއިލާއަށް ވެސް ވަގުތުކޮޅެއް ނަގަން ޖެހޭ ކަމަށް ބުނެ" އެވެ.
"އަހަރެންނަށް ފަހަކަށް އައިސް ކުޑަކޮށް އުނދަގޫ ވެފައިވާތީ އަހަރެންގެ އަމިއްލަ ނަފްސާއި އާއިލާއަށް ވަގުތުކޮޅެއް ނަގަން ޖެހޭ. ވަގުތުކޮޅަކަށް ސޯޝަލް މީޑިއާ އިން ބްރޭކެއް ނަގާނަން. އަޅުގަނޑަށް އެނގޭ މިއީ ތިޔަބޭފުޅުންގެ ތެރެއިން ބައެއް ބޭފުޅުންނަށް ހައިރާންކަމެއް ލިބިދާނެ ކަމެއްކަން، އެކަމަކު އަޅުގަނޑަށް ފަހަކަށް އައިސް ވަރަށް ވަރުބަލިވެ ސްޓްރެސް ވެއްޖެ،"
ކާޖަލް ބުނެފައިވަނީ ބުރަކޮށް ޕްރޮޖެކްޓްތަކެއްގައި މަސައްކަތްކުރުމަށްފަހު "ބޭނުންވަނީ ރީޗާޖް ކުރަން ވަގުތުކޮޅެއް،" ކަމަށެވެ.
ވަރަށް އަވަހަށް އެނބުރި ސޯޝަލް މީޑިއާއަށް އަންނާނެކަމަށް ވެސް އޭނާ ވަނީ ބުނެފައެވެ.
ކާޖަލް ފުރަތަމަ ފިލްމަކުން ފެނިގެނުނީ 1991 ވަނަ އަހަރު ރިލީޒްކުރި ފިލްމު "ބެކުދީ" އިންނެވެ. އެ ފިލްމަށް އެންމެ މޮޅު އަންހެން ޑެބިއުގެ ފިލްމްފެއާ އެވޯޑް ލިބުނެވެ. އޭގެ ފަހުން ކާމިޔާބު ގިނަ ފިލްމުތަކެއް ކުޅެފައިވާއިރު، އޭގެ ތެރޭގައި "ދިލްވާލޭ ދުލްހާނިއާ ލެ ޖަޔެންގޭ" (1995)، "ކުޗް ކުޗް ހޯތާ ހޭ" (1998)، "ކަބީ ޚުޝީ ކަބީ ގާމް..." (2001)، "މައި ނޭމް އިޒް ޚާން" (2010)، އަދި "ދިލްވާލޭ"(2015) ފާހަގަކޮށްލެވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
