ކޮލަމްބިއާގެ ޖަންގަލީގައި ހަތަރު ކުއްޖަކު ދިރިތިއްބާ ފެނުނީ މިދިޔަ ހުކުރު ދުވަހުއެވެ. ބޯޓެއް ވެއްޓި އެ ކުދިންގެ މައިންބަފައިންނާއި އިތުރު 16 މީހަކު މަރުވިކަމަށް ނިންމިތާ 40 ދުވަހަށް ވުރެ ގިނަ ދުވަސް ފަހުންނެވެ. އުމުރުން 13، 9، 4، އަދި 12 މަހުގެ މި ކުދިން ފެނިފައިވަނީ ވެނެޒުއެލާގެ ބޯޑަރު ކައިރީގައި އޮންނަ ކެޓަޓޫމްބޯ ސަރަހައްދުގެ ޖަންގަލީގެ ތެރެއިން ސާޗް ޕާޓީއަކަށެވެ.
އެމީހުން ބަލިކަށިވެ ފެން މަދުވެގެން ޑީހައިޑްރޭޓްވެފައިވީ ނަމަވެސް އެހެން ގޮތަކަށް އެއްވެސް ގެއްލުމެއް އެކުދިންނަށް ވެފައިހުރިތަނެއް ނުފެނެއެވެ.
މޫސުން ގޯސްވެ ބޯޓު ވެއްޓުނު އިރު އެ ބޯޓު ވެއްޓުނީ ކުދިންގެ މައިންބަފައިން ހިމެނޭ ގޮތަށް 20 މީހުންނެވެ.
ކޮލަމްބިއާ ހޮސްޕިޓަލަކަށް ގެންގޮސްފައި ވަނީ ޑީހައިޑްރޭޝަން އާއި ކާނާ ލިބުން ދަތިވުމުގެ ސަބަބުން އެ ކުދިންނަށް ފަރުވާ ދެމުންނެވެ. އެ ކުދިންގެ ހާލު އަންނަނީ ރަނގަޅުވަމުންނެވެ. ކުދިންގެ މިހާރު ބަލަހައްޓަނީ އެކުދިންގެ ބޮޑުދައިތައެވެ.
މި ކުދިން ފެނުމުން ކޮލަމްބިއާއަށް އުފާވެރިކަން ގެނެސްދީފައިވާއިރު، ބޯޓު ވެއްޓުނު ހާދިސާގައި މަރުވި މީހުންގެ އާއިލާތަކަށް އެކަމުގެ އުއްމީދު ވަނީ އާވެފައެވެ.
