ގާނޫނު އަސާސީ---
ގާނޫނު އަސާސީއާއި، ރައްޔިތުންގެ ހައްގަކީ ކޯޗެއްކަން ދަނަނަމީހަކު މަޖިލީހުގައި ނޫޅޭ: އިބްރާ
މުހައްމަދު ޔޫޝައު
11 ޖޫން 2023 - 14:53:31
ގާނޫނު އަސާސީއާއި ރައްޔިތުންގެ ހައްގުތަކަކީ ކޮބައިކަމާއި އޭގެ މުހިއްމުކަން ދައްނަ މީހަކު ރައްޔިތުންގެ މަޖިލީހުގައި ނޫޅޭ ކަމަށް ރައްޔިތުންގެ މަޖިލީހުގެ ކުރީގެ މެންބަރު އިބްރާހީމް އިސްމާއީލް ވިދާޅުވެއްޖެއެވެ.
ރައްޔިތުންގެ މަޖިލީހުގައި މިހާރު ހިނަގަމުންދާ ހަމަނުޖެހުންތަކާއި ގުޅިގެން ސީއެންއެމްއާ ވާހަކަ ދައްކަވަމުން އިބްރާ ވަނީ ވޭތުވެ ދިޔަ ހަތަރު ވަރަކަށް އަހަރު ރައްޔިތުންނަށްޓަކައި މަޖިލީހުން ކުރީ ކޮންކަމެއްތޯ ސުވާލު އުފައްދަވާފައެވެ.
"ސަރުކާރެއް ދައުރު ހަމަވާން ދެތިން މަހަށް ވެފައޭ މިއޮތީ. އެ ސަރުކާރު ޖަވާބުދާރީ ކުރުވަން، އެ ސަރުކާރުން ކުރަމުންދިޔަ ކަންތައްތައް ، އެކަންކަމާ ދޭތެރޭގާ މަޖިލީހަށް ދީފައި އޮތް ބާރުގެ ބޭނުން ކޮށްގެން އެކަންކަން ހުއްޓުވައި ނުވަތަ އެކަންކަން ރަނގަޅު ކުރުވުމަށް ކުރީ ކޮންކަމެއްއޭ؟ އަދި މަޖިލީހުގެ ތެރެއަށް ގަރާރެއް ހުށަހަޅައިގެން ހަޅޭއް ލެވިޔަކަސް އެކަންކަމެއް ނުވާނެއޭ" - އިބްރާ
ކޮރަޕްޝަނުގެ ވާހަކަ ކިތަންމެވަރަކަށްވެސް ދައްކާ ކަމަށާއި، އެހެންނަމަވެސް ކޮރަޕްޝަނުގައި ޝާމިލުވި އެންމެ މީހަކުވެސް މަޖިލީހުގެ ކޮމިޓީތަކަށް ހާޒިރު ކޮށްގެން މަޖިލީހުން ބަލާފައިވޭތޯ ސުވާލު ކުރައްވާފައެވެ.
"މަޖިލީހަށް ގާނޫނު އަސާސީން ބާރު ލިބިފަ އޮންނާނެ ދިވެހި ދައުލަތުގެ ކޮންމެ މަގާމެއްގަ ހުރި މީހަކު ވަކިކުރުމުގެ. އޭގެ ޖިނާއީ ބައި އެއީ އެހެން ބައެއް" - އިބްރާ
އެމްޑީޕީން ވަނީ މަޖިލީހުގެ ރައީސްއާއި ނައިބުރައީސްގެ އިތުބާރު ނެތްކަމުގެ މައްސަލަ މަޖިލީހަށް ހުށަހަޅާފައެވެ. އަދި އިދިކޮޅު ޕާޓީތަކުން ވަނީ ބަންޑާރަނައިބާއި ފޮރިން މިނިސްޓަރު އަބްދުﷲ ޝާހިދުގެ މައްސަލަވެސް މަޖިލީހަށް ހުށަހަޅާފައެވެ.
އިބްރާ ވިދާޅުވީ މި މައްސަލަތައް މަޖިލީހަށް ހުށަހަޅަންވީ މިއަދަކު ނޫންކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
