ކޯވިޑް-19 ގެ ބަލިމަޑުކަމުގެ ސަބަބުން އެމީހުންގެ "މެޕް އޮފް ދަ ސޯލް" ދަތުރު ކެންސަލް ކުރަން މަޖުބޫރުވުމުގެ ކުރިން އިންޑިއާ އަށް ދިއުމަށް ވިސްނަމުން ދިޔަކަމަށް އެނާ ވަނީ ބުނެފައެވެ.
ސުގާ ވަނީ ސޯލޯ ޑީޑޭ ޓުއާއެއްގައި ޖަޕާނާއި އިންޑޮނޭޝިއާ އަދި އެމެރިކާގެ އެކި ތަންތަނަށް ޒިޔާރަތްކޮށްފަ އެވެ. އޭނާ އަކީ އަނެއް ހަ މެމްބަރުންނާ ނުލައި ސޯލޯ ވޯލްޑް ޓުއާއަކަށް ނިކުތް ފުރަތަމަ ބީޓީއެސް މެމްބަރެވެ.
ސުގާ ބުނީ އިންޑިއާގެ ފިލްމުތައް ބަލަން ވަރަށް ލޯބިވާ ކަމަށާއި މަޝްހޫރު ގިނަ ފިލްމުތަކެއް އޭނާ ބެލިކަމަށެވެ. އޭގެ ތެރޭގައި "3 އިޑިއަޓްސް"، "ޗަކް ދޭ! އިންޑިއާ"، އަދި "ދިލްވާލޭ ދުލްހާނިއާ ލޭ ޖަޔެންގޭ" ހިމެނޭކަމަށް އެނާ ބުންޏެވެ.
އޭނާއަކީ ބޮލީވުޑް މިއުޒިކްގެ ފޭނެއް ކަމަށާއި އޭނާ ވަރަށް ގިނައިން ހިންދީ ލަވަތައް އަޑުއަހާކަަމަށް ވެސް ބުންޏެވެ.
ސުގާގެ ވާހަކަތަކާ ގުޅިގެން ބީޓީއެސްގެ އިންޑިއާގެ ސަޕޯޓަރުން ވަނީ ފޯރިގަދަވެފައެވެ. ވަރަށް އަވަހަށް އޭނާއަށް އިންޑިއާގައި ޕާފޯމް ކުރެވޭނެ ކަމުގެ އުއްމީދު ކުރާކަމަށް ގިނަބަޔަކު ވަނީ ބުނެފައެވެ.
