މިއީ މި އަހަރުގެ އެޕްރީލް މަހާ އަޅާބަލާއިރު، 8،004 ބަސްތާ އިތުރު އަދަދެކެވެ. މިދިޔަ އެޕްރީލް މަހު އެ ކުންފުނިން ވަނީ 75،252 ބަސްތާގެ ކާޑު މާލެ ސަރަހައްދާއި އެ ކުންފުނީގެ ހަ ރީޖަނަލް އެޖެންޓުންގެ އިތުރުން 466 ކާޑު އެޖެންޓުން މެދުވެރިކޮށް ފޯރުކޮށްދީފައެވެ.
ރާއްޖޭގެ އެކި ހިސާބުތަކަށް ކާޑުގެ ބާވަތްތައް ފޯރުކޮށްދިނުމަށް އެސްޓީއޯއިން ދަނީ ގިނަ މަސައްކަތްތަކެއް ކުރަމުންނެވެ.
އެގޮތުން ކުރެވެމުންދާ މަސައްކަތްތަކުގެ ތެރެއިން ނިމިދިޔަ މަހު ރާއްޖޭގެ އެކި ސަރަހައްދުތަކަށް ކާޑުގެ ބާވަތްތައް ފޮނުވާފައިވާ ގޮތުގެ ތަފާސް ހިސާބުތައް އެސްޓީއޯއިން ވަނީ އާންމުކޮށްފައެވެ.
މެއި މަހުގެ ތެރޭގައި އެސްޓީއޯއިން ވިއްކާފައިވާ ކާޑުގެ ބާވަތްތައް:
- ހަނޑޫ - 40,443 ބަސްތާ
- ހަކުރު - 13,949 ބަސްތާ
- ގޮދަން ފުށް - 28,864 ބަސްތާ
އެސްޓީއޯއިން ބުނެފައިވާ ގޮތުގައި ވޭތުވެދިޔަ މަހު މާލެ ސަރަހައްދުން 1،420 ފަރާތަކަށް 20،260 ބަސްތާ ހަނޑުލާއި 6،766 ބަސްތާގެ ހަކުރު އަދި 14،183 ބަސްތާގެ ފުށް ފޯރުކޮށްދީފައިވާ ކަމުގައެވެ.
ނިމިދިޔަ މަހު އެ ކުންފުނީގެ ފަސް ރީޖަނަލް އެޖެންޓުން މެދުވެރިކޮށް 2،520 ބަސްތާ ހަނޑުލާއި 770 ބަސްތާ ހަކުރުގެ އިތުރުން 920 ބަސްތާ ފުށް ފޮނުވާފައިވާ ކަމަށް އެސްޓީއޯގެ ތަފާސް ހިސާބުތަކުން ދައްކައެވެ.
އަތޮޅުތެރެއަށް ބޭނުންވާ ކާޑުގެ ބާވަތްތައް އެސްޓީއޯއިން ފޯރުކޮށްދެމުން ދަނީ އެ ކުންފުނީގެ ކާޑު އެޖެންޓުން މެދުވެރިކޮށެވެ. އެގޮތުން މެއި މަހު އެ ކުންފުނީގެ ކާޑު އެޖެންޓުންގެ ގޮތުގައި ތިބި 576 ފަރާތެއް މެދުވެރިކޮށް ރަށްތަކަށް 17،663 ބަސްތާ ހަނޑޫ، 6،413 ބަސްތާ ހަކުރު އަދި 13،761 ބަސްތާގެ ފުށް ފޮނުވާފައިވެއެވެ.
