އިބްރާހިމް ރަޝީދު (ބޮންޑޭ)
ކިތަންމެ ވަރަކަށް ހަޅޭލެވިއަސް 'ދަ ޑިމޮކްރެޓްސް' ފަހަތަކަށް ނުޖެއްސޭނެ: ބޮންޑޭ
ގުފްތަގް އަޖީރު
19 ޖޫން 2023 - 14:01:32
ކިތަންމެ ވަރަކަށް ހަޅޭލެވިއަސް ރައީސް ނަޝީދުގެ ސަޕޯޓަރުން އުފެއްދުމަށް މަސައްކަތް ކުރާ "ދަ ޑިމޮކްރޭޓްސް" ފަހަތައް ނުޖެއްސޭނެކަމަށް މާފަންނު މެދު ދާއިރަގެ މެންބަރު އިބްރާހިމް ރަޝީދު (ބޮންޑޭ) ވިދާޅުވެއްޖެއެވެ.
Advertisement
ސަރުކާރުގެ ފަރާތުން ހުށަހަޅާފައިވާ "އިންތިހާބު ތަކާ ބެހޭ ބިލަށް" ބަހުސްކުރައްވަމުން ބޮންޑޭ ވިދާޅުވީ ރައްޔިތުންގެ މަޖިލީހުގައި މަސައްކަތް ކުރަން ބޭނުންވި ނަމަވެސް، ސަރުކާރުން މަޖިލީހަށް ހުރަސް އަޅަމުން އަންނަކަމަށެވެ.
"މަޖިލީހުގައި މަސައްކަތްތައް ކުރިއަށް ނުގެންދެވޭނެ ފަދަ ގޮތަކަށް އަމަލުކުރަމުން ދާތަން މި ފެންނަނީ. މިއީ ކަނޑައެޅިގެން ސަރުކާރުން ކުރަމުން ދާކަމެއް. ހަގީގަތުގައި ދިމާވެގެން އުޅޭ މައްސަލައަކީ ދިވެހިރާއްޖޭގެ ކަނޑު ވިއްކާލައިފި. ދިވެހިރާއްޖޭގެ އަތޮޅުތަކެއް ވިއްކާލައިފި. މީ ޖަރާސީމު ސަރުކާރެއް. ބޮޑު ޖަރާސީމަކަށް ވެއްޖެ މި ސަރުކާރު. ކިތަންމެ ވަރަކަށް ހަޅޭލެވިއަސް ދި ޑިމޮކްރޭޓެއް ފަހަތަކަށް ނުޖެއްސޭނެ،" މިއަދު ބަހުސް ކުރައްވަމުން ބޮންޑޭ ވިދާޅުވިއެވެ.
ބޮންޑޭ މިހެން ވިދާޅުވިއިރު، ރޭ އިލެކްޝަންސް ކޮމިޝަނުގެ ޖަލްސާއަކުން ވަނީ އެކަށީގެންވާ މެންބަރުންގެ ވޯޓު ނުލިބުމުގެ ސަބަބުން 'ދި ޑިމޮކްރޭޓްސް' ޕާޓީ އުފައްދަން ހުއްދަ ދެވެން ނެތްކަމަށް ނިންމާފައެވެ.
އެ މައްސަލައިގައި އެ ޕާޓީގެ އިސްވެރިން މިއަދު އިލެކްޝަންސް ކޮމިޝަނާ ބައްދަލުކުރަން ވެސް ވަނީ ގޮސްފައެވެ.
ތިން ހާސް ފަސް ސަތޭކަ މެންބަރުންގެ ސޮޔާއެކު 'ދަ ޑިމޮކްރޭޓްސް' އުފައްދަން ހުށަހެޅީ މިމަހު އެއް ވަނަ ދުވަހުއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
