އެ ފޯރަމުން މިއަދު ނެރުނު ރިޕޯޓުގައި ބުނީ ރާއްޖޭގައި މިންތީގެ ހަމަހަމަކަން ނުވަތަ ދެ ޖިންސުގެ ހަމަހަަކަން ގާއިމް ކުރެވޭނެކަމަށް ލަފާކުރެވެނީ 2154 ވަނަ އަހަރުކަމަށެވެ.
އެ ރިޕޯޓުގައި ބުނެފައިވާގޮތުން 2006 ވަަނަ އަހަރުން ފެށިގެން 2023 ވަނަ އަހަރާއި ހަމައަށް ރާއްޖޭގައި މިންތީގެ ހަމަހަމަކަމަށް ލިބިފައިވަނީ އެންމެ 4.1 ޕަސަންޓުގެ ކުރިއެރުމެއް ކަމަށެވެ. އަދި ރާއްޖޭގެ މި މައްސަލައިގެ ހައްލަށް ދާން އޮތް ރާތާ ވަރަށް ދުރުކަމަށް އެ ރިޕޯޓުގައި ފާހަގަކޮށްފައިވެއެވެ.
އެގޮތުން ތައުލީމު، ސިއްހަތު އަދި އިގްތިސާދީ ގޮތުން އޮތް ފަރަގު ނައްތާލުމަށް ފާއިތުވީ އަހަރެއްހާ ދިވަހުގެ ތެރޭގައި ރާއްޖެއަށް ލިބިފައިވަނީ އެންމެ 0.3 ޕަސަންޓުގެ ކުރިއެރުމެކެވެ.
މިއަހަރު ދިވެހިރާއްޖެއޮތީ ދެ ޖިންސުގެ ހަމަހަމަކަމާ ގުޅޭ ގޮތުން ނެރުނު "ގްލޯބަލް ޖެންޑާ ގެޕް ރިޕޯޓު" ގެ ގައި ދުނިޔޭގެ ރޭންކިންގެ 124 ވަނައިގަ އެވެ. އެއީ މިދިޔަ 2022 އަަހަރު އޮތް 117 ވަނައާއި އަޅާ ބަލާއިރު ހަތް ދަރަޖައިގެ ވެއްޓުމެކެވެ.
