މާލޭގެ ސިޓީކައުންސިލުން ނިންމާފައިވަނީ ޖުލައި15 ވަނަ ދުވަހުން ފެށިގެން ފީ ނަގާށެވެ. މާލޭ ސިޓީ ކައުންސިލްގެ ބައްދަލުވުމުގައި، ޕާކް ތަކަށް ވަންނަ ބިދޭސީންނަށް ކަނޑައަޅާފައިވާ ފީތަކާ ގުޅޭގޮތުން ވާހަކަ ދައްކަމުން ހެންވޭރު ދެކުނު ދާއިރާގެ ކައުންސިލަރު ފާތިމަތު ޝަމްނާޒް އަލީ ސަލީމް ވިދާޅުވީ ޕާކްތަކަށް ވަންނަ ބިދޭސީންގެ އަތުން ނަގަން ނިންމާފައި ވަނީ ތަފާތު އަގުތަކެއް ކަމަށެވެ. އޭގެ ތެރޭގައި ވެސް އިސްތިސްނާވާ ހާލަތްތަކެއް ހުންނާނެ ކަމަށެވެ.
އެގޮތުން ވޯކްޕާމިޓް އޮންނަ ބިދޭސީއެއް ނަމަ ކޮންމެ ބިދޭސީއެއްގެ އަތުން 15ރ ނަގާއިރު އެއްވެސް ލިޔެކިޔުމެއް ނެތް ބިދޭސީއެއް ނަމަ ކޮންމެ މީހެއް އަތުން 50ރ ނެގުމަށްވަނީ ނިންމާފައެވެ. އަދި ޓޫރިސްޓް ވިސާގައި ޕާކަށް ވަނަން ބިދޭސީއަކަށް 75ރ، ކެމެރާ ހިފައިގެން އުޅޭ ބިދޭސީއެއް ނަމަ 500ރ. ނެގުމަށް 11 މެމްބަރުންގެ އަގުލަބިއްޔަތުން ވަނީ ނިންމާފައެވެ.
އިސް ރަށްވެހިން ނުވަތަ އެހީތެރިންގެ ގޮތުގައި އުޅޭ ބިދޭސީންނާއި ކުޑަކުދިން ގޮވައިގެން އުޅޭ މެއިޑުންގެ އަތުން އެއްވެސް ފީއެއް ނުނަގާއިރު 18 އަހަރުނުވާ ބިދޭސީ ކުޑަކުދިންގެ އަތުންވެސް އެއްވެސް ފީއެއްނުނަގާނެއެވެ.
