ސީއެންއެމްގެ އިތުރު ކާފު ޕްރޮގްރާމުގައި ވާހަކަ ދައްކަވަމުން، ފުވާދު ވިދާޅުވީ އިލެކްޝަންސް ކޮމިޝަނުގެ ބައެއް މެންބަރުން ޖަލްސާތަކަށް ވަޑައިނުގެން "ބޮޑާ ހޭކުމަކީ" މުޅި އިލެކްޝަންސް ކޮމިޝަނުގެ ވަރަށް ބޮޑު ވެއްޓުމެއްކަމަށެވެ.
ފުވާދުވިދާވީ "ދަ ޑިމޮކްރޭޓްސް" ރެޖިސްޓްރީ ކުރުމަށް ބާއްވަންޖެހޭ ޖަލްސާއަށް ބައެއް މެންބަރުން ހުރަސްއެޅި އިރު، އެ ޕާޓީ ރެޖިސްޓާ ކުރުމަށް މަޖިލީހުގެ 13 މެންބަރުން ވެސް ވަޑައިގެންނެވިކަމަށެވެ. އެހެންކަމުން އެ މެންބަރުންގެ ފަހަތުގައި އެކަނި ވެސް 65 ހާސް ރައްޔިތުން ތިބޭނެކަމަށެވެ.
ފުވާދު ވިދާޅުވީ، އެނާއަށް އިލެކްޝަންސް ކޮމިޝަނުގެ ބައެއް މެންބަރުންގެ ފަރާތުން ހުރަސްއެޅުމުން ގިނަ ރައްތިތުންތަކެއްގެ ހައްގު ގެއްލޭކަމަށެވެ. ނަމަވެސް އޭނާ މިވަގުތު މަގާމުން އިސްތިއުފާ ދެއްވަން ނުވިސްނަވާކަމަށެވެ.
ފުވާދު ވިދާޅުވީ އީސީގައި ފަސް މެންބަރުން ތިއްބެވާއިރު ކޮންމެ މީހެއްގެވެސް ހިޔާލު ތަފާތުވާނެކަމަށެވެ. ނަމަވެސް އެއީ ރައްތިތުންގެ ހައްގުތައް ހުއްޓުމަކަށް އަންނަންޖެހޭނެކަމެއް ނޫންކަމަށެވެ.
