ބޯ ކަޅުކުރުމަކީ ހަރާމް ކަމެއްކަމަށް ބައެއް ދީނީ އިލްމިވެރިން އަންނަނީ ބުނަމުންނެވެ. އެހެންނަ،ަވެސް ކަޅޫ ކުރުމުގެ ބަދަލުގައި ބޭނުން އެހެން ކޮންމެ ކުލައެއް ޖެއްސުންވެސް ހުއްދަކަމަށް އެ އިލްމުވެރިން ބުނަމުން އާދެއެވެ.
ބޯ ކަޅުކުރުމުގެ މައްސަލާގައި ރާއްޖޭގެ އިސްލާމީ ފަތުވާދޭ އެންމެ މަތީ މަޖިލީހުން ނެރުނު ހުކުމުގައި ބުނީ މި މައްސަލައިގައި މައިގަނޑު ދެރައުޔެއް ފާހަގަކުރެވޭކަމަށެވެ. އެއީ ހާރާމްކަމަށް ވިދާޅުވާ އިލްވެރިންގެ ރައުޔާއި ހުއްދަކަމަށް ވިދާޅުވާ އިލްމުވެރިންގެ ރައުޔުކަމަށް ފަތުވާދޭ މަޖިލީހުން ބުނެއެވެ.
އެ މަޖިލީހުން ބުނީ މި ދެރައުޔުވެސް ބިނާވެފައިވަނީ ދަލީލުތަކުގެ މައްޗަށްކަމަށެވެ. މި މައްސަލަ ދިރާސާ ކުރައްވައި އިލްމުވެރިން ނެރުއްވައިފައިވާ ހުކުމްތައް ގުޅިފައިވަނީ އެބޭކަލުންގެ އިޖުތިހާދާކަމަަށް ފަތުވާ މަޖިލީހުން ބުނެއެވެ.
ރާއްޖޭގެ ފަތުވާ މަޖިލީސް އެކުލެވިގެންވަނީ ފަސް މެންބަރުންގެ މައްޗަށެވެ. އެއީ ޝައިހް ޑރ. މުހައްމަދު ރަޝީދު އިބްރާހީމާއި ޑރ. އްބްދުއްސައްތާރު އްބްދުއްރަޙްމާނާއި ޑރ. އަލީ ޒާހިރު ބިން ސައީދު ޤާސިމާއި އައްޝައިޚް އިލްޔާސް ހުސައިންގެ އިތުރުން ޑރ. މޫސާ އަންވަރު ހަސަންއެވެ.
