މިކަން އިއުލާނު ކުރައްވައި، އިމްރާން ވިދާޅުވީ މިއަހަރުގެ ރިޔާސީ އިންތިހާބު ރައީސް ސާލިހު އެއްބުރުން ކާމިޔާބު ކުރައްވާނެ ކަމަށެވެ.
އަދާލަތު ޕާޓީގެ ފަރާތުން ދުއާކުރުމަށް ހައްޖަށް ވަޑައިގެންނެވި ބޭފުޅުންގެ ތެރޭގައި، އެ ޕާޓީގެ ސްލޮޓުތަކުގައި ތިއްބެވި ބައެއް ސްޓޭޓު މިނިސްޓަރުން ފަދަ ބޭފުޅުންނާ، ޑރ. އިޔާޒް އަދި ޝެއިހް އިލިޔާސްގެ އިތުރުން، އިމްރާނުގެ ބޮޑީގާޑުންގެ ގޮތުގައި މަސައްކަތްކުރާ މީހުންގެ އަދި އަދާލަތު ޕާޓީގެ އެކި މަގާމުތަކުގައި ތިއްބެވި ބޭފުޅުން ހިމެނޭކަމަށް ރިޕޯޓުތައް ބުނެއެވެ.
ރައީސް ސާލިހު މި އަހަރު ސެޕްޓެންބަރު މަހު އޮތް ރިޔާސީ އިންތިހާބު އެއް ބުރުން ކާމިޔާބު ކުރައްވާނެކަމަށް ވިދާޅުވެފައިވާއިރު، އިދިކޮޅު ފަސް ޕާޓީއަކުން ބޭއްވި ނޫސްވެރިންގެ ބައްދަލުވުމެއްގައި ވަނީ ރައީސް ސާލިހާއެކު ދެވަނަ ބުރެއްގައި ކޯލިޝަން ހެދުމުގެ ވިސްނުން ނެތްކަން ހާމަކޮށްފައެވެ.
ރައީސް ސާލިހާއެކު ރިޔާސީ އިންތިހާބަށް ކޯލިޝަން މިހާތަނަށް ހަދާފައިވަނީ، އެމްޑީއެމް އަދި އަދާލަތު ޕާޓީންނެވެ.
