އަހުމަދު މަހުލޫފް މިހެން ވިދާޅުވީ އެބޭފުޅާ ކުރެއްވި ޓްވީޓެއްގައެވެ.
އެ ޓްވީޓްގައި މަހުލޫފް ވިދާޅުވީ 10000 މީހުންނަށް ދޭ ގޯތި ލިސްޓެއް އާންމުކުރުމުން ފާއިތުވި ދެ ތިން ދުވަހުގެ ތެރޭގައި، ޝަކުވާގެ ގޮތުގައި ނޫނީ ކަންބޮޑުވުންތަކެއްގެ ގޮތުގައި ފެނުނީ އެންމެ 20 ވަރަކަށް ޝަކުވަ ކަމަށާއި، ވަގުތީ ލިސްޓަކީ ގޯހެއް އޮތްނަމަ ޝަކުވާ ހުށައަަޅާ އެކަމެެއް އިސްލާހުކުރަންދޭ ފުރުސަތެއްކަމެއް ކަމަށެވެ.
އަދި މިވަރުގެ ބޮޑު ލިސްޓަކުން މިހާމަދު ކަންކަން ފާހަގަކުރެވުކަމީ ވަރަށް ރަނގަޅު މަސައްކަތެއް ކުރެވިފައިވާ ކަމުގެ ހެއްކެއް ކަމަށްވެސް މަހުލޫފް ވިދާޅުވިއެވެ. އަދި ޕާޓީއެއް ވަކި އާއިލާއެއް ތަފާތުނުކޮށް ޝަރުތުހަމަވި ހުރިހާ ފަރާތްތަކަށް ހަމަހަމަކަމާއި އިންސާފުން ގޯތި ދީފައިވާކަން އެއީ ބަދަލު ނުކުރެވޭނެ ހަގީގަތެއް ކަމަށްވެސް މަހޫލޫފް ވިދާޅުވެފައިވެއެެވެ.
މަހީލޫފް މިފަދައިން ވިދާޅުވެ ޓްވީޓް ކުރައްވާފައިވާއިރު، މާލޭ ސަރަހައްދުން ގޯތި ލިބޭނެކަމަށް ޝަރުތުހަމަވާ މީހުންގެ ލިސްޓުން، ފަހުން ދިވެހި ރައްޔިތަކަށް ވެފައިވާ ބިދޭސީ ތިން މީހެއްގެ ނަން މިހާތަނަށް ވަނީ ފާހަގަ ކުރެވިފައެވެ. އަދި އޭގެ ފަހުން ރާއްޖޭގައި ރަށްވެހިންގެ ގޮތުގައި ދިރިއުޅެމުންދާ އިންޑިޔާ ތިން މީހަކުވެސް ފާހަގަކުރެވިފައިވާ ކަމަށް ހައުސިން މިނިސްޓްރީގެ ސްޓޭޓް މިނިސްޓަރު އަދި ގެދޮރުވެރިޔާ ކޮމެޓީގެ ޗެއާ އަކްރަމް ކަމާލުއްދީން ވެސް ވަނީ ވިދާޅުވެފައެވެެ.
މާލޭ ރައްޔިތުންގެ ތެރެއިން ބޯހިޔާވަހިކަމަށް އެދިފައިވާ މީހުންގެ ތެރެއިން ގޯތި ލިބޭ މީހުންގެ ވަގުތީ ލިސްޓު މިނިސްޓްރީ އޮފް ނޭޝަނަލް ޕްލޭނިން، ހައުސިން އެންޑް އިންފްރާސްޓްރަކްޗާ އިން އިއުލާނުކޮށްފައިވަނީ 26 ޖޫންގައެވެ.
އެ އިއުލާނާއި އެކު ޝަރުތުހަމަވެ ގޯތި ލިބޭފަރާތްތަކާއި، އަދި ޝަރުތުހަމަވެ، ގޯތި ނުލިބޭ ފަރާތްތަކާއި އެކު ޝަރުތުހަމަނުވާ ފަރާތްތައް ވެސްވަނީ ހާމަކޮށްފައިވެއެވެ.
