މާލޭ ސަރަހައްދުން ގޯތި ދިނުމާއި ބެހޭ ގޮތުން ރައީސް އޮފީސް ޓެގް ކޮށް މުއިއްޒް ކުރައްވާފައިވާ ޓްވީޓެއްގައި ބުނެފައި ވަނީ ބިމާ ބެހޭ ގާނޫނު ބުނާ ގޮތުން ހައުސިން މިނިސްޓްރީން ގޯތި ދެވޭނެ ހަމައެއް ނެތް ކަމަށެވެ.
ބިމާ ބެހޭ ގާނޫނުގައި ބުނެފައި ވަނީ ދިރިއުޅުމަށް ބަންޑާރަ ގޯތި ދޫކުރާނީ މިނިސްޓްރީން އާއްމުކޮށް އިއުލާން ކުރާ އުސޫލުތަކަކާއި އެއްގޮތަށް އެރަށެއްގެ ރަށު ކައުންސިލުން ނުވަތަ ސިޓީ ކައުންސިލުން ކަމަށެވެ.
ހުޅުމާލެ، ގުޅިފަޅު އަދި ގިރާވަރުފަޅު ހިމެނޭހެން 5000 ގޯތި ދިނުމަށް ސަރުކާރުން ވަނީ ނިންމެވިއެވެ. ނަމަވެސް ފަހުން މި އަދަދު 6200 ގޯއްޗަށް އިތުރުކުރެއްވުމަށް ރައީސުލްޖުމްހުއްރިއްޔާ އިބްރާޙިމް މުޙައްމަދު ޞާލިޙު ނިންމެވިއެވެ. ގުޅިފަޅު ހިއްކުމަށް ފެށި މަޝްރޫޢުގެ މަސައްކަތް ނިންމާ އަންނަ މަހުގެ ތެރޭގައި ގޯތިތައް ހަވާލުކުރައްވާނެކަމަށް ސަރުކާރުން ބުނެ އެވެ.
