މި މައްސަލަ ފެންމަތިވެފައިވަނީ، މިއަހަރުގެ ޖެނުއަރީމަހު ފޮރިން މިިސްޓަރު އަބްދުﷲ ޝާހުދު ރައީސް ސާލިހުގެ ޕްރައިމަރީ ކެންޕޭނު ޖަލްސާއެއްގައި ދެއްކެވި ވާހަކަ ފުޅަކާ ގުޅިގެންނެވެ.

ޝާހިދު ވިދާޅުވާ ގައުމުތަކަކީ ކޮބައިކަމާ އެ ގައުމުތަކުގެ ވެރިންގެ ނަން ހޯދަން، މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން ނޫހަކުން ފޮރިން މިނިސްޓްރީގައި އެދުމުން، މިނިސްޓްރީން އެ މައުލޫމާތު ހާމަކުރަން ދެކޮޅު އެ މިނިސްޓްރީން އެންމެ ފުރަތަމަ ދެކޮޅުހެދިއެވެ. 

މިނިސްޓްރީން އޭރު ބުނީ ޑިޕްލޮމެޓިކް ޗެނަލްތައް މެދުވެރިކޮށް ލިބޭ ލިޔުންތަކަކީ ވިއެނާ ކޮންވެންޝަން އޮން ޑިޕްލޮމެޓިކް ރިލޭޝަންސް (1961) އަދި ވިއޭނާ ކޮންވެންޝަން އޮން ކޮންސިއުލާ ރިލޭޝަންސް (1963) ގެ ދަށުން ހިމާޔަތާއި ރައްކާތެރިކަން ލިބިގެންވާ ލިޔުންތަކެއްކަމަށެވެ. 

އަދި ފަސް ދުވަހުގެ ތެރޭގައި އެ މައުލޫމާތު ހާމަކުރަން މިނިސްޓްރީއަށް އޭރު އެންގިއެވެ. 

އެކަމަކު ފަސް ދުވަހުގެ މުއްދަތު ހަމަވީ އިރު، އަދިވެސް ފޮރިން މިނިސްޓްރީން އެ މައުލޫމާތު ހިއްސާކޮށްފައިނުވާކަމަށް މައުލޫމާތު ހޯދަން އެދުނު ނޫހުން ވަނީ ބުނެފައެވެ. އަދި އެ ނޫހުން މިއަދު ބުނެފައިވަނީ މައްސަލަ އިސްތިއުނާފުކުރަން ހައިކޯޓަށް ހުށަހަޅާފައިވާކަމަށެވެ. 

މި މައްސަލައިގައި ފޮރިން މިނިސްޓްރީން އަދި ބަހެއް ނުބުނެއެވެ.