ހަޔާ އެޑިއުކޭޝަން މިނިސްޓްރީގައި ބޭއްވި ރަސްމިއްޔާތެއްގައި އެމްއައިޓީއަށް ކޮލެޖެއްގެ ދަރަޖަ ދީ، އެކަމުގެ ލިޔުން ހަވާލުކޮށްދެއްވީ ހަޔާ އެޑިއުކޭޝަން މިނިސްޓަރު ޑރ. އިބްރާހީމް ހަސަނެވެ.
އަންގާރަ ދުވަހު ބޭއްވި ރަސްމިއްޔާތުގައި ހަޔަރ އެޑިޔުކޭޝަން މިނިސްޓްރީއާއި މޯލްޑިވްސް އިންސްޓިޓިއުޓް އޮފް ޓެކްނޮލޮޖީގެ އިސްވެރިން ބައިވެރިވެވަޑައިގަތެވެ.
އެމްއައިޓީއަށް ކޮލެޖެއްގެ ދަރަޖަ ދިންއިރު މިތަނަކީ ޓެކްނޮލޮޖީ، ބިޒްނަސް އެޑްމިނިސްޓްރޭޝަން، ސިވިލް އިންޖީނިއަރިން، އިލެކްޓްރިކަލް އިންޖީނިއަރިން، މެކޭނިކަލް އިންޖީނިއަރިން، ޓޫރިޒަމް އިންޑަސްޓްރީ އަދި ޕްރޮފެޝަނަލް ޕްރޮގްރާމް ކޯސްތައް ހިންގާ އިންސްޓިޓުއުޓެކެވެ.
މީގެ އިތުރުންވެސް ވަޒީފާގެ މައިދާނަށް ބޭނުންވާ އެކި ކަހަލަ ހުނަރުތަކަށް ހާއްސަކޮށްގެން އެޕްރެންޓިސްޝިޕް ޕްރޮގްރާމްތަކާއި ސްކޫލްތަކަށް އަމާޒުކޮށްގެން އެކިކަހަލަ ވޮކޭޝަނަލް އެޑިޔުކޭޝަން ޕްރޮގްރާމްތައްވެސް ހިންގަމުންދެއެވެ.
