އިންޑިއާގެ ނޫހަކަށް އިއްޔެ ދިން އިންޓަވިއުއެއްގައި ޝާހިދު ކަޕޫރު ބުނެފައި ވަނީ ވީޑިއޯ ލީކުވުމުން އޭނާ "ހަލާކުވެފައި" ކަމަށާއި އެއީ އޭނާގެ ޕްރައިވެސީއަށް އަރައިގަތުން ކަމަށް އޭނާއަށް ގަބޫލުކުރެވޭކަމަށެވެ. އޭނާ ބުނީ އޭރު އޭނާގެ އުމުރުން އެންމެ 24 އަހަރު ކަމަށާއި، މީޑިއާގެ ސަމާލުކަމާ ކުރިމަތިލާން ނޭނގޭ ކަމަށެވެ.
އަދި ވީޑިއޯ ލީކުވުމުން ކަރީނާ ކަޕޫރު ހާން އާއި އޭނާގެ ގުޅުމަށް އަސަރުކުރި ކަމަށް ވެސް ކަޕޫރު ބުނެފައިވެއެވެ. އޭނާ ބުނީ އޭރު އެދެމީހުންނަކީ "ވަރަށް ޒުވާން" ކަމަށާއި، ވީޑިއޯ ލީކުވުމުން އެދެމީހުންގެ ގުޅުމަށް "ވަރަށް ޕްރެޝަރު ބޮޑުވި" ކަމަށެވެ.
ވީޑިއޯ ލީކުވުމުގެ ނޭދެވޭ އަސަރު ކުރި ނަމަވެސް، ކުރިއަށް ދާން ދަސްކޮށްފައިވާ ކަމަށް ޝާހިދު ބުންޏެވެ. އޭނާ ބުނީ އެ ތަޖުރިބާއަށް "ޝުކުރުވެރިވާ" ކަމަށާއި، ސަބަބަކީ އެކަމުގެ ސަބަބުން އޭނާ ވަރުގަދަވެފައިވާތީ ކަމަށެވެ.
ޝާހިދާއި ކަރީނާ ކަޕޫރަކީ ކުރިން ދެ ލޯބިވެރިންނެނެވެ. އެ ދެމީހުންވެސް މިހާރު ވަކިން ޒަވާޖީ ހަޔާތެއް ފަށާފައިވާއިރު، ކަރީނއަށް ވަނީ ސައިފް އަލީ ހާން އާއެކު ދެ ކުދިން ވެސް ލިބިފައެވެ.
