މި މޭރުމުން ވާހަކަ ދައްކަވަމުން ހޯރަފުށީގެ މަގު ހެދުމަށް މަސައްކަތް ހަމައެކަނި ކުރެއްވީ ރައީސް މުހައްމަދު އަމީނާއި ރައީސް އިބްރާހިމް މުހައްމަދު ސޯލިހު ކަމަށް ހޯރަފުށި ކައުންސިލްގެ ރައީސް މުހައްމަދު ވަހީދު ވަނީ ވިދާޅުވެފައެވެ.
ނަމަވެސް މިހާރު ހޯރަފުށީގެ ތާރު އަޅަމުންދާ 11 މަގުގެ ތެރެއިން ނުނިމި ހުރީ އެންމެ މަގެކެވެ.
އެގޮތުން މަގުތަކުގައި ތާރު އެޅިފައިވާއިރު، އެތަނުގައި ލައިޓްވެސް ހަރުކުރެވިފައިވާ ކަމަށާއި، އަދި ޕާކިން ޒޯންތަކާއި، އެކު އެ މަގު ބޭނުން ކުރާ މީހުންނަށް ސަލާމަތާއި ރައްކާތެރިކަން ކަށަވަރު ކުރެވޭނެ ގޮތަށް މަގު ހެދިގެންދާކަމީ ހޯރަފުށީގެ ރައްޔިތުންނަށް ލިބިގެންދާ އުފަލެއް ކަމަށްވެސް ވަހީދު ވިދާޅުވިއެވެ.
އެއާޕޯޓް އެއް އޮތުމުގެ ސަބަބުން އެތަކެއް ތަރަގީއެއް ލިބިގެންދިޔަކަމަށާއި، އޭގެ ސަބަބުން ޒުވާނުންނަށް ގިނަ ވަޒީފާތަކެއް ލިބިފައިވާ ކަމަށްވެސް ވަހީދު ވިދާޅުވިއެވެ.
އަދި އެއާޕޯޓްގައި އެކަނިވެސް 48 ވަޒީފާ ގާއިމްވެފައިވާ ކަމަށާއި، މިހާރުވެސް ފެންޕްލާންޓާއިއެކު ޖުމްލަ 100 ވަޒީފާ ޒުވާނުންނަށް ލިބިފައިވާކަމަށް ވެސް ވަހީދު ވަނީ ވިދާޅުވެފައެވެ.
