Advertisement

އާ އަހަރު ފާހަގަކުރުމުގެ ކައުންޓް ޑައުން ޝޯ ބާއްވަން ޓޫރިޒަމް މިނިސްޓްރީން ނިންމައިފި އެވެ.

ޓޫރިޒަމް މިނިސްޓްރީން އިންތިޒާމުކުރާ، މި ފަހަރުގެ އާ އަހަރުގެ ޝޯ ގައި ރާއްޖޭގެ ފާހަގަކޮށްލެވޭ ފަންނާނުން ބައިވެރިވާނެ ކަމަށް އެ މިނިސްޓްރީން މައުލޫމާތުދެއެވެ. އޭގެ ތެރޭގައި މޯލްޑިވިއަން އައިޑޮލް އިން ވިދާލި ޝަލަބީ އިބްރާހިމް އާއި ޒާރާ މުޖްތަބާ އާއި މުހައްމަދު ޝިއުޒް އާއި ބޮޑުބެރު ބޭންޑެއް ކަމުގައިވާ "ނާބަ" ބޭންޑުގެ ހުށަހެޅުންތައް ފެންނާނެ ކަމަށް މިނިސްޓްރީން ބުނެއެވެ.

Welcoming 2020: An MoT event on 31st December 2019 at 2030hrs.
Live at Carnival stage with laser and lights.#visitmaldives#welcoming2020 pic.twitter.com/NI7R98NN0n

— Ministry of Tourism (@MoTmv) December 28, 2019

އާ އަހަރު ފާހަގަކުރުމަށް ޓޫރިޒަމް މިނިސްޓްރީން ބާއްވާ ހާއްސަ ޝޯ ފެށޭނީ އަންނަ އަންގާރަ ދުވަހުގެ ރޭ ކާނިވާ ސަރަހައްދުގައި 8:30 ގައި ކަމަށް އެ މިނިސްޓްރީން ހާމަކުރެއެވެ.

ކޮންމެ އަހަރަކުވެސް އާ އަހަރު ކުލަގަދަ ގޮތެއްގައި ވަނީ ފާހަގަކޮށްފައެވެ. އެގޮތުން މި ހަރަކާތްތައް ކުރިން ކުރިއަށް ގެންގޮސްފައި ވަނީ ޓޫރިޒަމް މިނިސްޓްރީ އާއި މޯލްޑިވްސް މާކެޓިން އެންޑް ޕަބްލިކް ރިލޭޝަންސް (އެމްއެމްޕީއާރްސީ) ގުޅިގެންނެވެ.