ދުނިޔޭގެ އާބާދީ ދުވަސް ފާހަގަކުރުމަށް ބޭއްވި ޖަލްސާގައި ވާހަކަފުޅުދައްކަވަމުން ނައިބު ރައީސް ވިދާޅުވީ ބޯހިމެނުމުގެ މަޢުލޫމާތަކީ، މުޖުތަމަޢުގެ ތަފާތު ދާއިރާތަކުގެ ކަންކަން ހުރިގޮތް ވަރަށް ބޮޑަށް ސާފުވެގެންދާ ކަމެއްކަމަށެވެ.
ނައިބު ރައީސް ވިދާޅުވީ، އެއްވެސް ބަޔަކު ބާކީނުކޮށް މުޖުތަމައުގެ ހަމަހަމަކަން ގާއިމުކުރުމަށް ސަރުކާރުން ކުރައްވަން ފެއްޓެވި އެންމެ މުހިންމު މަސައްކަތަކީ އަންހެނުން ބާރުވެރިކުރުންކަމަށެވެ.
އެމަނިކުފާނު ވިދާޅުވީ ގޮތް ނިންމުމާއި ސިޔާސީ ދާއިރާގައި އަދިވެސް އަންހެނުން މަދުކަމަށެވެ. މަޖިލީހުގައި އަންހެނުންގެ ބައިވެރިވުން އިތުރުކުރުމަށް ނައިބު ރައީސް ވަނީ އެދި ވަޑައިގެންފައެވެ.
މި ރަސްމިއްޔާތުގައި ނައިބު ރައީސް ފައިސަލް ނަސީމް ޔޫއެންއެފްޕީއޭގެ، "ސްޓޭޓް އޮފް ވޯލްޑް ޕޮޕިއުލޭޝަން ރިޕޯޓް" އަދި "ބޯހިމެނުން 2022"ގެ ނަތީޖާ އިފްތިތާހު ކޮށްދެއްވާފައެވެ.
